Ma‘u Atu he ‘Initanetí ‘a Hono Fakatahataha‘i ‘o e Tohi Folofola ‘e Tolú ‘i he Lea Faka-Potukalí

ʻOku fakafuofua ki ha kāingalotu lea faka-Potukali ʻe toko taha miliona ʻo e Siasí, te nau lava he taimí ni ʻo ako he ʻInitanetí ʻa e tohi folofola ʻe tolu ʻa e Siasí kuo fakatahatahaʻí, ʻi heʻenau lea fakafonuá. Ko e tatau faka-Potukali ʻo e Folofolá ʻi he ʻInitanetí, naʻe tukuange mai ia ʻe he Siasí ʻi Fēpueli 2008, ʻi he tuʻasila ko e http://scriptures.lds.org/pt.

ʻOku ʻi he tohi faka-Potukalí ha ngaahi futinouti, tokoni ki he akó, mape, ʻū tā, pea mo ha founga ke fakaʻilongaʻi ʻaki ʻa e folofolá. Naʻe fakahoko hano lau ke siviʻi fakaʻauliliki ia ke fakapapauʻi ʻoku tonu ʻa e tohí. ʻOku kau fakataha ʻa e tatau faka-Potukali ko ʻeni ʻo e folofolá, pea mo ha ngaahi faile ʻo e leʻó kuo hiki tepi, ʻa ia naʻe fakahū ki he ʻInitanetí ʻi he 2007.

ʻI ha feinga ke tokoni ki ha kāingalotu tokolahi ange ke nau lava ʻo maʻu ʻa e folofolá ki heʻenau ako fakatāutahá pea mo e teuteu lēsoní, ko ia kuo toe fakahū ai ʻe he Siasí he ʻinitanetí ʻa e tohi folofola ʻe tolu kuo fakatahatahaʻí ʻi he lea faka-Pilitāniá, Falaniseé, Siamané, ʻĪtalí mo e Sipeiní. ʻOku kei fai foki mo ha ngāue ke fakahū ki he ʻinitanetí mo e ngaahi tohi folofola ʻa e Siasí ʻi he ngaahi lea fakafonua ʻe uofulu tupu.