FOʻU HAʻO SALIOTE TOHO

ʻI he 1856 naʻe kamata fononga ai ki he Teleʻa Sōlekí e fuofua kulupu toho saliote ʻa e kāingalotu paioniá. ʻI he taʻu ʻe fā hono hokó, naʻe laka hake ʻi ha kakai ʻe toko 3,000 naʻa nau teke mo toho ʻenau ngaahi salioté ʻi he ngaahi feituʻu tokaleleí. Ke faʻu haʻo saliote toho, muimui ki he ngaahi fakahinohino ko ʻení. ʻI hoʻo fakaheka ko ia e ngaahi nāunaú, fakakaukau ki he ngaahi meʻa ko ia naʻá ke mei ʻave ʻi he fonongá.

Ngaahi Fakahinohinó

Toʻo e ngaahi peesi ko ʻení mei he makasiní, pea fakapipiki ia ki ha pepa matolu pea kosi e fanga kiʻi kongokongá. Ke foʻu e mohenga ʻo e saliote tohó, pelu ki ʻolunga ʻa e ʻū tafaʻakí mo muʻa pea mo mui pea kūluuʻi ʻa e ngaahi tapá. Kūluuʻi ha foʻi vaʻe pea mo ha meʻa toho ki he ongo tafaʻakí. Kūluuʻi ʻa e vaʻa papa kolosi ki he ongo tafaʻaki ʻo e ʻakau tohó fakatouʻosi. Pelu ʻa e tafatafaʻaki he toenga ʻo e ngaahi fakatātaá ke nau tuʻu ki ʻolunga. Fakahekeheka ʻa e tamaí mo e faʻeé ʻi loto ʻi he vaʻa papa kolosí. (Kūluuʻi ʻa e nima ʻo e tamaí ʻi tuʻa he meʻa tohó ke hangē ʻokú ne fusi iá). Fakahekeheka ʻa e ʻōfefiné mo e utá ʻi he salioté pea fokotuʻu ʻa e fohá ʻi ha feituʻu te ne lava ai ke tokoni ke teke. ʻOua naʻa ngalo ke tautau e kuló mei mui.

Fakatokangaʻi ange: Kapau ʻoku ʻikai te ke loto ke toʻo e ngaahi pēsí mei he makasini, ko e ʻekitivitī ko ʻení ʻe lava pē ke hiki hano tatau pe ko hano hiki mei he ʻinitanetí ʻi he www.lds.org. Ki he lea Faka-Pilitāniá, ʻalu ki he “Gospel Library.” Ki he ngaahi lea fakafonua kehé, ʻalu ki he “Languages.”