Fakatapui e Temipale ‘i Kalitipa Palāsila

Naʻe ʻosi seti ke fakaava e Temipale Kalitipa Palāsilá ʻi he ʻaho Mōnite ko hono 2 ʻo Sune, 2008, ko e ʻaho ia hili e ngaahi sēsini ʻe fā ʻo hono fakatapuí ʻa ia ne palani ki he ʻaho Sāpate, ko hono 1 ʻo Suné.

Naʻe palani ke fai e polokalama fakafiefia fakafonuá ʻi he efiafi hifo e ʻaho 31 ʻo Meé, ko e ʻaho Tokonaki, ki muʻa pea fakahoko e ouau fakatapuí. Naʻe fakahoko e fakafiefiá mo e fakatapuí hili ia ha ʻoupeni hausi māhina ʻe taha naʻe kamata mei he ʻaho 10 ki he ʻaho 24 ʻo Mē 2008.

Ko e Temipale Kalitipa Palāsilá ʻa e temipale hono 126 ʻoku lolotonga ngāueʻaki ʻi māmani kātoá pea ko e temipale ʻaki ia hono nima ʻo e Siasí ʻi Palāsilá. ʻOku ʻi ai foki mo e ngaahi temipale ʻoku tuʻu ʻi Kemipinasi, Pōto ʻAlekilī, Lesafī mo São Paulo. Ko e temipale hono ono ʻo Palāsilá ʻa e Temipale Manaui Palāsilá ʻa ia naʻe fakahā ʻi he 2007 ʻe langá.

Naʻe ʻuluaki fakahā hono langa ʻo e temipale Kalitipá ʻi ʻAokosi ʻo e 2002, pea fai ʻa e tāpuaki kelekelé ʻi Māʻasi ʻo e 2005. ʻE fakaʻaongaʻi ia ʻe ha kāingalotu ʻoku tokolahi hake ʻi he toko 42,000, kau ai mo e kāingalotu mei he ngaahi siteiki ko ia ʻi he vahefonua Palaná mo Sanitā Kataliná.

Naʻe fakataimi-tēpileʻi ke fai hono fakatapuí mo e ngaahi polokalama fekauʻaki mo iá hili hono paaki ʻo e makasini ko ʻení.