Hoko e Temipale Lekisipeeki ‘Aitahoó Ko e Temipale Hono 125

Kuo ava pea ngāueʻaki ʻa e Temipale Lekisipeeki ʻAitahoó hili ange ʻa e ʻaho 10 ʻo Fēpueli, 2008, pea naʻe hoko hono fakatapui ia ʻe Palesiteni Tōmasi S. Monisoní ko e taha ʻo e ngaahi meʻa naʻá ne fuofua fakahoko ʻi heʻene hoko ko e Palesiteni hono 16 ʻo e Siasí.

Ne tokangaʻi ʻe Palesiteni Monisoni ʻa e ngaahi sēsini kotoa ko ia ʻe fā ʻo e ouau fakatapuí pea kau fakataha atu ki ai mo ʻEletā Lāsolo M. Nalesoni mo ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá.

ʻOku tuʻu ʻa e Temipale Lekisipeeki ʻAitahoó ʻi he feituʻu faka-tonga ʻo e ʻUnivēsiti Pilikihami ʻIongi-ʻAitahoó, pea ko e temipale ʻaki ia hono 125 ʻo e Siasí ʻoku lolotonga fakaʻaongaʻi ʻi māmani pea ko e temipale ia hono tolu ʻi ʻAitahoó. Fakafuofua ki he kakai ʻe toko 200,000 ne kau ki he ʻoupeni hausí lolotonga e māhina ko ia ki muʻa pea toki fai ʻa e fakatapuí.

Naʻe ʻuluaki fakahā pē ʻi Tīsema ʻo e 2003 ʻa hono langa ʻo e temipale sikuea fute ko ʻeni ʻe 57,504 (sikuea mita ʻe 5,100), pea fakahoko e tāpuaki kelekelé ʻi Siulai ʻo e 2005. ʻOku ngaohiʻaki ʻa e tafaʻaki ki tuʻa ʻo e temipalé ʻa e maka hinehina fefeka (quartz) mo e ngaahi matapā sioʻata fakalanulanu ʻe 700. ʻOku ngāueʻaki ʻa e temipalé ʻe ha kāingalotu ʻo e Siasí ʻe toko 47,000 ʻi he fakahahake ʻo ʻAitahoó.