Бошиглогчийн дуу хоолойг сонсоцгоо

Бид хэчнээн хүнд тусалж чадах вэ?

Ерөнхийлөгч Томас С.Монсон

2000 оны аравдугаар сарын 25-нд, Coalition for Utah’s Future, Common Good Awards Luncheon дээр хэлсэн үгнээс.

Дэлхий дахинд олон хүмүүст тусламж хэрэгтэй байна гэж Ерөнхийлөгч Монсон хэлдэг. Тэднийг ажиглаж, хэчнээнд нь бид тусалж чадахаа харахыг Тэнгэрлэг Эцэг биднээс хүсдэг гэж тэр хэлжээ.

Бидэнд харах нүд, сонсох чих, ойлгож мэдрэх зүрх сэтгэл байгаа цагт тусламж зайлшгүй хэрэгтэй байгаа нөхдийнхөө хэрэгцээг бид танин мэдэж чадна.

Хоол хүнсгүй бол хүмүүс яах билээ? Хувцасгүй бол тэд яаж дулаацах билээ? Орон гэргүй бол яах билээ? Мөнгөгүй бол тэд хэрхэн амь зуулгаа залгуулах билээ? Эмч, эмнэлгийн ажилтнууд, эмнэлэггүй бол тэд өвчин зовлонгоосоо яаж ангижрах билээ?

Биднийг Бүтээгчтэй нүүр тулан уулзахад, “Чи хэчнээн хүнд тусалсан бэ?” гэж Тэр биднээс асууна гэдэгт би итгэдэг.

Тусламж шаарддлагатай хүн бүрд хэрэгтэй байж болох юмыг нь олж тогтоо.

Тусламж хэрэгтэй хүмүүс

Хүмүүст хэрэгтэй зүйлс

Ерөнхийлөгч Монсон ба Эдийн засгийн их уналт

Ерөнхийлөгч Томас С. Монсон 1927 онд төржээ. Түүний хоёртой байхад Эдийн засгийн их уналт эхэлсэн аж. Ажил олж хийх нь олон хүний хувьд хэцүү болов. Бүр хоол хүнсээ худалдаж авах мөнгө олох нь хүмүүст хэцүү байжээ. Ерөнхийлөгч Монсонгийн зарим найз нар нь өвлийн хүйтэнд өмсөх дулаан хувцасгүй, идэх хоол хүнсгүй байв.

Эдийн засгийн их уналтын үед олон хүмүүс ажил хайж Нэгдсэн Улсыг хөндлөн гулд хэсэн галт тэргээр явдаг байлаа. Ерөнхийлөгч Монсонгийн гэр төмөр замын ойролцоо байлаа. Заримдаа хүмүүс галт тэрэгнээс бууж, идэх юм гуйн Монсонгийн гэрийн ар талын хаалгыг тогшдог байв. Ерөнхийлөгч Монсонгийн ээж тэдэнд ямар нэг идэх юм үргэлж өгдөг байж. Тэр бас нэг ядуу хөршдөө тавагтай халуун хоол хүүгээрээ хүргүүлж өгдөг байв.

Ерөнхийлөгч Монсоныг 12 настай байхад 1939 онд Эдийн засгийн их уналт дуусчээ.

Та үүнийг мэдэх үү?

Ерөнхийлөгч Монсонгийн ээж тусламж хэрэгтэй хүмүүст олон жилийн тэртээ тусалдаг байсан шиг, өнөө үед хүүхдүүд болон насанд хүрэгчид Сүмд хүмүүнлэгийн тусламж, хандивыг өргөснөөр хүмүүст тусалж чадна. Та хандиваа аравны нэгийн дугтуйтай адил дугтуйнд хийж бишоп юм уу салбарын ерөнхийлөгчдөө өгч болно. Энэ мөнгө дэлхий даяарх хүмүүст тусалдаг. 2007 онд Сүм 85 орны дөрвөн сая орчим хүмүүст тусламж үзүүлжээ. Сүмийн зарим тусламжийн тухай доор өгүүлэв:

45 оронд яаралтай тусламж үзүүлсэн байна

Газар хөдлөлтийн уршигтай тэмцэхэд 5 оронд тусламж үзүүлэв

Үер, шуургын уршгийг арилгахад 34 оронд тусламж үзүүлжээ

Гал түймрийн хор уршигтай тэмцэхэд 6 оронд тусламж үзүүлсэн байна

25 оронд цэвэр ус гаргав

60 оронд тахир дутуу хүний тэргэнцэр илгээв

11 оронд харааны шил илгээжээ

10 орны хүүхдүүдэд улаан бурхны дархлаажуулалтын вакцин хийв

23 орны өвчтэй нярай хүүхдүүдийг асарч эмчилдэг эмч, сувилагчдад туслах сургалт явуулав

Зураг чимэглэлийг Адам Кофорд; Крейг Даймондын авсан Ерөнхийлөгч Монсонгийн гэрэл зураг