Tohi ki he ʻĒtitá
ʻOkú Ne Tataki Kitautolu ʻi he Hala Totonú
ʻOku ou fakafetaʻi koeʻuhí ko e folofolá mo e ngaahi akonaki ʻa e kau palōfitá ʻa ia kuo pulusi atu ʻi he Liahoná, ʻo malava ai ke u maʻu ha mahino ʻoku lelei angé ʻo kau ki he moʻui ko ʻení mo e ʻofa ʻa e ʻOtuá kiate au mo hoku fāmilí. Kuo fakamālohia ʻeku fakamoʻoní, tokoniʻi au ke u tupulaki, mo fafangaʻi hoku laumālié ʻe he folofolá mo e ngaahi akonaki ʻo e ongoongoleleí ʻi he Liahoná ʻOku ou fakalotolahiʻi e tokotaha kotoa pē ke ne lau ʻa e Liahoná; he ʻokú ne tohoakiʻi kitautolu ke tau ofi ange ai ki heʻetau Tamaí mo tataki kitautolu ʻi he hala totonú.
Sitefanī ʻAkositā, ʻUlukuai
ʻOku Fakahaaʻi Mai ʻe he Fakamoʻuí ʻa e Halá Kiate Kitautolu
ʻOku ou fakamālō koeʻuhí ko e Liahoná, tautefito ki he fakamatala kau ki he Fakamoʻuí (Māʻasi 2008). ʻOkú ne ueʻi au mo fakamālohia ʻeku fakamoʻoni kiate Iá. Naʻá Ne fai e meʻa kotoa pē maʻatautolu. Naʻá Ne tā ha sīpinga haohaoa ʻo e anga ʻo e moʻui ʻi he māmani ko ʻení, anga hono ikunaʻi ʻo e ngaahi ʻahiʻahí, mo e anga ʻo e tuʻu-taʻe-ueʻia ʻi hono tauhi ʻo e ngaahi fekaú. ʻOku ou fakafetaʻi ki he Fakamoʻuí. ʻOku ou ʻilo ʻokú Ne moʻui.
Nenitā C. ʻIpanesi, ʻOtu Filipainí