ʻOkú ke ʻAtamai Vave Nai Hono Fakaʻaongaʻi e Mītiá?

ʻE lava ʻe he komipiutá, TV, mo e ngaahi faivá ʻo tokoniʻi koe ke ke ako mo fiefia. Ka ʻoku ʻi ai foki mo e ngaahi meʻa kovi fekauʻaki mo kinautolu te nau fakamamahiʻi koe. Ko e founga ʻeni ʻe 10 ke ke hao ai ʻi he taimi ʻokú ke ngāue ʻaki ai e komipiutá pe sio TV:

1. Kole maʻu pē ha ngofua mei he mātuʻá ki muʻa peá ke toki fakaʻaongaʻi e ʻInitanetí pe sio TV, pea fakaʻaongaʻi pē e komipiutá pe televīsoné ʻi ha feituʻu ʻatā ʻi ho ʻapí, ke lava pē hoʻo mātuʻá ʻo mamata ki ai.

2. ʻAlu pē ki he ngaahi tuʻuʻanga Uepi ʻokú ke ʻilo mo hoʻo mātuʻá ʻoku sai ki he fānaú. Kole ki hoʻo mātuʻá ke seti hoʻo TV mo e Web browser ke ne taʻofi e meʻa ʻoku koví.

3. ʻOua ʻe manavasiʻi ke mavahe mei he lokí pe kole ki ha taha ke ne tamateʻi e faiva, keimi, pe hiva ʻokú ke ongoʻi taʻefiemālie ki aí.

4. Kapau ʻoku ʻi ai haʻo peesi ʻi ha tuʻuʻanga Uepi ʻa ha ngaahi kulupu fengāueʻaki, kole ki hoʻo mātuʻá ke tokoniʻi koe ke fakapapauʻi ʻoku ʻikai sio e kakai ʻoku ʻikai te ke ʻiló ki hoʻo pēsí.

5. ʻOua te ke ʻave ki ha taha ʻoku ʻikai te ke ʻilo ha fakamatala fakatāutaha hangē ko ho hingoá, tuʻasilá, pe fika telefoní ʻi he taimi ʻokú ke ʻInitaneti aí.

6. ʻOua te ke ʻave hao laʻi tā ki ha taha ʻoku ʻikai te ke ʻilo.

7. ʻOua ʻaupito te ke ʻai ke ke fetaulaki mo ha taha ne mo “fetaulaki” he ʻInitanetí. Kapau ʻoku kole atu ha taha ke mo fetaulaki, tala ki hoʻo mātuʻá.

8. ʻOua te ke ʻave ki ha taha hoʻo lea fufuú.

9. ʻOua te ke fakaava ha ʻī-meili mei ha taha ʻoku ʻikai te ke ʻilo. Kapau ʻokú ke maʻu ha ʻī-meili ʻokú ke taʻepauʻia ai, vakaiʻi ia mo hoʻo mātuʻá.

10. Kumi ki he ngaahi ʻekitivitī fakafiefia ʻi he tuʻuʻanga Uepi ʻa e Friend ʻi he www.friend.lds.org!