Faamatalaga
Faamalosiauina ma Aoga
E le o a’u o se tagata o la outou ekalesia, ae ou te lagona o le Liahona, lea ou te mauaina mai se uo i le galuega, e ese le faamalosiauina. E ese foi le aoga, ae maise lava mo tamaiti ma le autalavou. Ma e fesoasoani foi ia te au. Ou te fiafia lava i tusiga mai tagata masani o le ekalesia o e e faasoa mai i aafiaga ua faatupuina ai o latou faatuatua. E faapitoa foi le matagofie o ata tusi ia te au. E ese le manino o lo latou tusiaina ma e ese le faatupu manatu. Ou te faapea atu la, malo lava le fai o le faiva ma faafetai tele lava.
Beatrice Karrer Ulrich, Siamani
O Se Oa Faaleagaga
O le taimi muamua lava na avea ai a’u ma se tagata o le Ekalesia, sa ou le ano lava i le mauaina o le Liahona. Ona i ai lea o se taimi na ou le toe toaga ai i le [Ekalesia]. Ina ua ou faia se sini ia ou toe toaga mai i le Ekaleisa, sa ou totogiina loa se saofaga mo le Liahona. O le taimi lena na ou iloa ai na ou misia lea oa faaleagaga. O lenei mekasini e le na o ni faamatalaga mai le Ekalesia ae o se ala o fesootaiga a le au paia, e mafai ai ona fefaasoaai molimau, aafiaga, savali, ma fautuaga mo o tatou aso. O loo i le mekasini ia aoaoga e tatau ona faaaogaina i aso uma.
Cláudia Souza Alencar, Pasila