Manatu mo Afiafi Faaleaiga

O nei fautuaga faafaiaoga ua saunia e tuuina atu ai ia te oe nisi o manatu. E mafai ona e fetuunaia mo lou aiga.

“O Le Talatuu o Auaunaga a se Tasi o Aiga,” i. 8: Otooto le tala, ma faamamafa atu auala na musuia ai isi i faataitaiga lelei a tagata o le aiga. Ia fai se siata o le gafa [o lou aiga] o le lumanai: i luga o se fasipepa, ia lisi ai igoa o tamaiti o lou aiga, ma fai atu ia i latou taitoatasi e filifili ni nai igoa mo a latou fanau i le lumanai. Ia faaiu i le talanoaina po o a auala e faatosinaina ai e faataitaiga ma molimau a tamaiti i latou e tupuga mai ia i latou ma ia sosoo atu i latou i o latou tuaa.

“E Ono Faapei [Au] Uo o Oe,” i. 31: Ia faatulaga ni nai mea faitino e talitutusa ma se tasi e ese mai ai. Ia faailoa atu e faigofie lava ona iloa le mea faitino e ese ai. Faitau le tala. Ia talanoa i le uiga o le faamatalaga: “Ou te faamoemoe o le a iloa e tagata uma le eseesega o loo ia te outou uma foi.” Ia fai se sini ia avea [oe] ma se faataitaiga e sili atu le lelei o Iesu Keriso ina ia mananao ai isi e aoao atili e iuga i le talalelei.

“O Le Tatou Faatuatuaga Lenei, ia Faaola i Agaga,” i. 40: Faitau le vaega “Tatou Tumau i le Mataala,” ma faasilasila atu o le a outou faia se sailiga o galuega fesoasoani mo se vaiaso atoa. Ia faatulaga se koneteina ma ni fatupi po o ni maamaa e faitau ai galuega fesoasoani. Ia talanoa pe faapefea ona fesoasoani lo “tatou tumau i le mataala” tatou te auauna atu ai i isi. Ia faatu se sini e vaavaai mo ni auala e auauna atu ai i isi i le vaiaso a sau i le fale, aoga, galuega, ma le lotu. O taimi uma lava e maea ai se galuega auauna atu a se tasi, ona ia tuuina lea o se fatupi i totonu o le koneteina. I le vaiaso e sosoo ai, ia faitau pe fia fatupi ua faaputuina.

“O Tala ma Molimau [na Fai] i le Afi o le Tolauapiga,” i. U4: I le faaaogaina o se palanikeke, toe fatu le aafiaga o le saofai i totonu o se faleie. Tufa atu ni meaai mama e ai a’o faia le lesona. Faitau le tala, ma ia tuu atu i ni tagata se toalua o le aiga e faatino le talanoaga a Keni ma Brett. Molimau atu e mafai e le Agaga Paia ona uunaia i tatou ia iloa le taimi e fetufaai atu ai a tatou molimau ma po o le a foi le tala e fai atu. Ia uunaia tagata o le aiga ia agavaa e maua musumusuga mai le Agaga Paia ma mulimuli i ai.

“O Le Faamafanafanaina o Lusi,” i. U10: A uma ona faitau le tala lenei, toe faitau le faamatalaga a le tina: “Sa fesoasoani le Agaga Paia ia te oe ia e iloa le mea e fai ina ia e maua ai se lagona lelei.” Fai atu i tamaiti laiti e tusi se ata o se mea e tupu e mafai ona aoga ai le tatalo ma le taitaiga a le Agaga Paia. Faaiu i le usuina faatasi o se pese Peraimeri e fiafia i ai, ma tuuina atu le molimau e uiga i le mana faamafanafana o le tatalo ma musika paia.