Autalavou
Kerisimasi a le Faifeautalai
I la’u Kerisimasi lona lua o se faifeautalai, na ma asiasi ai ma la’u soa i se tasi faatoa maea lava ona papatiso ma lona aiga. Ina ua maea se taumafataga matagofie o le Kerisimasi, sa ma faasoa atu ia i latou se savali o le Kerisimasi.
Na ma fai i le aiga e tusi ni ata o ni mea e faamanatu mai ai ia i latou lena vaitau, e pei o fetu, meaalofa, faatusa o le fanau mai o le Faaola, ma laau Kerisimasi. Ona matou faitauina lea o ni mau, e aofia ai le 2 Nifae 19:6: “Aua ua fanau mai ia te i tatou le tama, ua foaiina mai ia te i tatou le atalii, e i lona ua foi le malo; e igoa foi o ia, o le Faipule Silisili Ese, o le Atua Malosi, o le Tama Faavavau, o le Alii o le Filemu.” Na matou usuina le pese “Once in Royal David’s City” (Hymns, nu. 205), matamata i se ata e uiga i le Soifua mai o le Faaola, ma faia se molimau ia Iesu Keriso.
O se Kerisimasi i se tulaga faatauvaa, sa mamao ese mai o ma aiga ma le faamanatuina masani o le Kerisimasi, ae ao tuuina atu a ma molimau e uiga i le Faaola, sa ou lagonaina se alofa sili atu le loloto ma le agaga faafetai mo Ia ma Lona soifua mai ou te lei lagonaina lava muamua. Sa ou iloa o le a avea lea ma a’u Kerisimasi mulimuli i le galuega faafaifeautalai i lo’u Tama Faalelagi, ae sa ou malamalama e mafai ona molimau mai Lona Agaga ia te au e uiga i Lona Alo i soo se mea ou te i ai.