O Lo Tatou Avanoa
Tulaga Faatonuina: O se Avega po o se Faamanuiaga?
O i latou o e faapea mai o tulaga faatonuina o le Ekalesia o ni faasa. masalo latou te iloa nisi o tagata o le Ekalesia o e e manatu o tulaga faatonuina o se avega mamafa, ae le o ni avanoa taua o le olaga. Afai e te manao ia iloa e au uo o tulaga faatonuina e faasaolotoina oe mai ni mea ua fai ma vaisu, ona e ola lea i se olaga fiafia ma taumafai e faaali atu le fiafia o loo e maua e ala i le tino maloloina, mafaufau, ma le loto. Tatou te aoao atu e ala i faataitaiga, ae e le na o upu. Faaali atu ia i latou faamanuiaga o tulaga faatonuina e ala i le auala e te faaaoga ai lou faitalia mo mea lelei.
Patience O. (taumatau), 19 tausaga, Farani
Mauaina o se Uo
Ou te talitonu lava au ia i le mana o le tatalo. Ina ua ou faatoa masi’i atu i Asia, sa ou faatali mo le lua masina e a’e ai le aoga seia amata le semesa fou. E ui ina sa ou fiafia e faaalu le taimi ma lo’u aiga, ae sa ou manao i se uo lelei e tutusa o ma talitonuga. Na iu lava ina ou feiloai atu i o’u tuaoi uma, ma e ui lava o nisi e matou te tupulaga, ae le i tutusa o matou tulaga faatonuina.
Ina ua mafai ona ou alu i le aoga, na ou feiloai atu i le toatele o tamaiti o la’u tupulaga ma faia ni faigauo. I se tasi o taimi na matou o ai ma nisi o a’u uo mo se ’aiga o le afiafi. Ina ua uma ona matou aai, na o nisi o a’u uo, a o e na totoe na mananao e faia nisi mea ma filifili ai latou te o e inupia. Na latou valaaulia au, ae ou fai i ai e leai. Na sili atu lo’u lagona tuua toatasi. Na ou alu i le fale i lena po ma tatalo ia ou maua se uo lelei.
I ni nai vaiaso mulimuli ane na matou toe o ai ma nisi o a’u uo e aai i le afiafi, ma sa faamanino atu ia i latou ou te le inu ma i latou. Ina ua uma ona matou aai, na o uma e inu sei vagana ai le tagata e toatasi. Na amata ona ma talanoa ma iloa ai e tutusa o ma tulaga faatonuina—o tulaga faatonuina na ma tausia e ala i le filifiliga a le tagata lava ia.
Ou te iloa e tali mai i taimi uma lava le Tama Faalelagi i tatalo.
Jordan H., 17 tausaga, Texas, ISA
O Le Mau e Sili Ona Ou Fiafia i Ai
O taimi uma lava ou te manatua ai lenei fuaiupu, ou te faamanatuina ia te au lava ia le tauia o au i meaalofa na folafola mai e le Alii mo au, pe afai e faia la’u vaega i lenei lalolagi (o le mulimuli lea i poloaiga a le Alii).
Roland D. (luga), 17 tausaga, Pangasinan, Filipaina
Ata pue o fasi laau e aai ai © Getty Images; O Mose ma Papa Maa, saunia e Jerry Harston © IRI