Ou te Iloa o Loo Soifua Lo’u Faaola

Saunia e Sandra Tanner ma Cristina Franco

Ao e faitau i tusitusiga paia, o le a avea oe e pei o nisi o tagata na vaaia e Liae i lana miti o le laau o le ola (tagai i le 1 Nifae 8). Na vaaia e Liae tagata o loo pipiimau i le ai uamea ma e lei faamaamulu. Na i ai i tagata se molimau ia Iesu Keriso, ma na fesoasoani le ai uamea ia i latou e o mai ia te Ia. O le ai uamea o afioga ia a le Atua—o tusitusiga paia o upu ia a o tatou perofeta. O tagata na pipiimau i le ai uamea na aoaoaina o loo soifua Iesu Keriso. O Ia o lo tatou Faaola ma le Togiola. Na Ia afio mai i le lalolagi e pei ona fetalai mai perofeta o le a Ia faia, ma o le a Ia toe foi mai i le lalolagi.

Ao faaauau pea ona e faia mea na aoaoina ai oe i lenei tausaga, o le a faamanuiaina oe i le iloaina o loo soifua Iesu Keriso. O le a e maua sa oe lava molimau.

Tesema 2010 Api Talaaga o Tusitusiga Paia

Faitau le Mataupu Faavae ma Feagaiga 76:22.

Tatalo i le Tama Faalelagi e fesoasoani ia te oe ia iloaina o loo soifua Iesu Keriso.

Tauloto le Mataupu Faavae ma Feagaiga 76:22.

Filifili se tasi o nei gaoioiga, pe fai sa oe lava gaoioiga:

Fesoasoani i se isi tagata e tauloto le Mataupu Faavae ma Feagaiga 76:22.
Fesili i ou matua po o se faiaoga o le Peraimeri e faaali atu ia te oe se mau latou te fiafia i ai o loo aoao atu ai e uiga ia Iesu.
Oti ese mea teuteu i le itulau e 63 ma sue mau o i luga o mea teuteu taitasi. Ao e tuuina ia mea teuteu i luga o le laau Kerisimasi po o i totonu o lou fale, ia avea ma mea e faamanatu atu ai ia te oe le Faaola.
Aoao se pese fou e uiga ia Iesu Keriso. E mafai ona aoao se pese o le Kerisimasi po o se viiga.

E faapefea ona fesoasoani le mea ua e faia e te malamalama ai i lenei mau?

Tusi i lau api o talaaga pe tusi se ata e uiga i le mea ua e faia.

Agavale: ata na tusia e James Johnson; taumatau: ata o mea teuteu na tusia e Thomas S. Child; Taimi o tala i Kalilaia, saunia e Del Parson; O Le Faaaloalogia e Simeona o le Tamaitiiti o Keriso, saunia e Greg Olsen © 1987, e le mafai ona kopiina; O Le Afio Mai Faalua, saunia e Harry Anderson © IRI; Maria ma le Alii Toetu, saunia e Harry Anderson © IRI; i tua atu © Dynamic Graphics