O Le Meaalofa Muamua o le Kerisimasi

Saunia e Chad E. Phares

Mekasini a le Ekalesia

E faavae i se tala moni

“Aua ua faapea lava ona alofa mai o le Atua i le lalolagi, ua ia au mai ai lona Atalii e toatasi” (Ioane 3:16).

1. Toe lava o ni nai vaiaso ona oo lea i le Kerisimasi, ae ua uma ona faatuina i luga e Truman ma lona aiga le laau Kerisimasi. Na fiafia o ia ao ia mafaufau atu i meaalofa na ia faamoemoe e vaaia i lalo o le laau i le taeao o le Kerisimasi.

2. I ni nai aso mulimuli ane na savali atu ai Truman i le potu malolo ma vaaia se tamai atigi pusa e tasi i lalo o le laau. Na afifiina i se pepa afifi meaalofa lanu mumu ma sa nonoaina i se lipine lanu meamata.

   O la tatou meaalofa muamua! O ai na aumai ai? O Tinamatua?

   Leai.

   Pe mai i se tasi o o’u tausoga?

   Leai.

3. Na le mautonu ia Truman.

   Ae, o ai la na aumai ai?

   E tatau ona e faatali ma vaai. Pau lava le ma tala o se meaalofa e matuai faapitoa lava.

4. A o mavae atu aso, ua tele isi meaalofa ua i ai i lalo o le laau, ae na manatunatu pea ia Truman i le meaalofa muamua mumu ma lona lipine lanumeamata. O fea na aumai ai?

5. I le taeao o le Kerisimasi, na tamoe atu ai Truman e fafagu i luga ona uso ma ona matua.

   Ala i Luga! Ua oo i le Kerisimasi!

6. Ina ua taunuu atu i le laau, na fiafia Truman e vaai i meaalofa o loo i lalo.

   Truman, e mafai ona e tatalaina le tamai atigi pusa lanu mumu ma le lipine lanu meamata.

   Na fiafia Truman o le a iu lava ina ia vaai i le mea o loo i totonu.

7. Na aveese e Truman le tapuni ma maua ai ni nai mea laiti. Na ia aumaia tatasi i fafo—o se ata o Iesu Keriso, o se solo e uiga i le soifua mai o Iesu, ma se fetu. Na faaali atu e Truman le ata i tagata uma, ma sa faitau e Tama le solo.

   Na ou tuuina le pusa i lalo o le laau ina ia mafai ona tatou manatua le mafuaaga moni tatou te faamanatu ai le Kerisimasi.

8. Na fiafia Truman e manatua Iesu.

   Tama, o oe na e tuuina le pusa i lalo o le laau, ae o lea ua ou iloa le tagata tonu lava na aumaia lenei meaalofa mo tatou.

   O Ai?

   Tama Faalelagi.

Fesoasoani mo Matua

E mafai ona e sueina se atigi pusa ma tuu i totonu ni mea o le a fesoasoani ia te oe ma lou aiga e manatua ai le soifua mai o Iesu Keriso. Mafaufau ia aofia ai aitema e pei o ni solo, ata, fetu pepa, o se mamoe meataalo, o se agelu faatagata, po o nisi lava mea e te manatu o le a fesoasoani e faamanatu ai i lau fanau le soifua mai o le Alii. Afifi le meaalofa. Tatala i le Kerisimasi.

Ata na tusia e Adam Koford