Faamatalaga

Faia e le Liahona Ni Suiga

Ou te fia faafetai atu mo savali o loo aumai i le Liahona i masina taitasi. O se fesoasoaniga tele; ua fesoasoani ia te au ia sili atu ona lelei aso uma. So o se taimi lava ou te lagonaina ai le lotovaivai ma mafaufau ua faigata tele le olaga, ou te faitau ai i se savali mai le Liahona ma e suia mea uma. Faafetai mo mea uma ua outou faia—mo au ma le toatele o isi.

Edgar Celestino, Texas, ISA

Fesootai i Taimi uma i le Initoneti

Na ou papatiso i le 1990 ma sa ou auai i a’u sauniga a le Ekalesia i taimi uma. Ae talu ai nei na auina atu ai au i se isi atunuu e avea ma se tasi e tausia le filemu, ma o le taimi nei ua le mafai ona ou auai atu i ni sauniga. O la’u auala e tumau ai le fesootaiga ma le Ekalesia o le faitau lea i mekasini i luga o le initoneti. Ua avea lenei mea ma se uunaiga maoae ia te au. Ou te lagonaina le malosi o le Agaga ao ou faitau i upu a o tatou perofeta ma isi taitai o le Ekalesia. Ou te misia le auai i le faamanatuga, ae peitai ou te iloa e malamalama le Tama Faalelagi i lo’u tulaga. Faafetai mo mekasini i luga o le initoneti.

Olukunbi Orimoloye, Nigeria

Faamolemole auina mai sou finagalo faaalia po o fautuaga i le [e-mail]. E ono faapupuuina tala mo le uumi po o le manino.

Valaau mo ni Tusiga

Pe na i ai se taimi na le faataunuuina ai lou faamanatuina o le Kerisimasi e pei ona e manao ai pe le’i taunuu foi e pei ona e fuafuaina? Atonu na e ma’i, faanoanoa i se maliu, na e i le militeli, alu i le a’oga, po o le tuuesea mai le aiga ma uo. Pe na faapefea ona e faamanatuina le Faaola ma Lona fanau mai i na tulaga? Faamolemole faapuupuu lau tala i le 500 upu, maka mai “Christmas Celebrations,” ma auina mai i le [e-mail].