Tohi ki he ʻĒtitá
Ko e Kāpasa ʻo ʻEku Moʻuí
ʻOku ou saiʻia he Liahoná. Ko e kāpasa ia ki heʻeku moʻuí; ʻokú ne tataki au ki he hala totonú mo e ngaahi meʻa ʻoku lelei angé. ʻOkú ne tokoniʻi au ke u tupu ʻo mālohi mo fakaʻehiʻehi mei he ngaahi ʻahiʻahi ʻoku ou faʻa fehangahangai mo iá. ʻOkú ne lehilehiʻi ʻeku moʻuí ʻi he ʻaho kotoa pē. ʻOku ou fakamālō atu ʻi hono fakafaingamālieʻi ke lava ʻo maʻu ʻe he kakai kotoa pē ʻi māmaní ʻa e kāpasa mo e fakahinohino ko ʻení, ʻa ia ʻokú ne ʻave kitautolu ʻi he hala ʻo e tuí.
Anasitāsia N., taʻu 17, ʻIukuleini
Ko e Liahoná Ko ha Tokotaha Fai Faleʻi
ʻOku ou faʻa ʻave ʻa e Liahoná ki hoku ngaahi kaungāmeʻá mo e kaungāngāué ko ha meʻaʻofa Kilisimasi pea ko ha founga ia ʻo hono akoʻi ʻo e ongoongoleleí kiate kinautolu. ʻOku faʻa omi kiate au ʻa e niʻihi ʻi he ngāué ʻo fakamatala ki he ngaahi meʻa naʻa nau laú. ʻOku nau ngāue ʻaki ʻa e Liahoná ko ha tokotaha fai faleʻi, pea nau pehē ʻi he taimi ʻoku ʻi ai ai ha ngaahi palopalema ʻi honau fāmilí ʻoku nau lau fakataha ʻa e Liahoná. ʻOku ou toe tuku ha tatau ʻo e makasiní ʻi he loki talitali ʻi homau ʻōfisí. Ko ha meʻa ngāue fakaʻofoʻofa ia ki he ngāue fakafaifekaú.
Pīsila Vīlai, Palāsila
Ko ha Maʻuʻanga ʻo e Mālohinga Fakalaumālié
Ko e kau Kolomupia kimautolu pea ʻoku mau nofo ʻi Lōkani, ʻIutā, ʻAmelika, pea ʻoku mau houngaʻia ke tali ʻa e Liahoná ʻi he lea faka-Sipeiní. ʻI heʻema hoko ko e mātuʻá, ʻokú ma feinga ke ako ʻe heʻema fānau fefine ʻe toko tolú ke moʻui ʻaki ʻa e ongoongoleleí mo fakatupulaki ha ʻofa ki he temipalé. ʻOkú ma fakamālō atu ʻi hono pulusi ʻo e Liahoná ʻi he māhina kotoa pē, he ʻoku ʻi hono ngaahi pōpoakí ʻa e maʻuʻanga ʻo e mālohi fakalaumālié ki homa fāmilí.
Fāmili Linikoní, ʻIutā, ʻAmelika