Hapi long Hom
Bunta mo Nit, tufala i brata mo sista we tufala i stap long Siem Rip, Kolombia.
Taem hem i kasem eit yia, Bunta i disaed blong hem i kasem baptaes. Taem Nit i kasem eit ia, hem tu, bae i kasem baptaes. Hem i talem: “Mi wantem blong kasem Tabu Spirit.”
Hem i impoten long Bunta mo Nit blong givim seves long ol narawan. Bunta i wantem kam wan misinari taem hem i groap. Nit i no save wet kasem we hem i save kam wan “bubuwoman misinari,” wan senia misinari.
Ol pipol oli kam raon long wol blong visitim ol olfala bilding blong siti blong tufala, be Bunta mo Nit, tufala i hapi nomo blong stap long hom mo spendem taem wetem famle blong tufala.
Bunta mo Nit, tufala i gat wan spesel ples aotsaed blong lanem samting, wan ples we tufala i sidaon blong ridim ol skripja, mekem ol homwok blong tufala, mo ridim Liahona. Bunta mo Nit, tufala i laekem blong ridim ol skripja blong tufala. Oli traem blong ridim ol skripja blong olgeta evri dei. Nit i laekem blong ridim abaot drim blong Lihae. Bunta i laekem blong ridim abaot Nifae.
Nit i laekem blong plei mabol. Bunta i laekem blong plei fultbol wetem eni balong we hem i save faenem.
Bunta mo Nit tufala i spendem plante taem tugeta. Tufala tugeta i traem blong stap naes long tufala mo long ol narawan mo ol memba blong famle blong tufala.
Ol foto oli kam long Jad E. Feas