Tijing folem Tijing
Doctrine and Covenants 76:22–24
Ol ves ia oli talemaot wan witnes abaot blong Jisas Kraes long tedei: Hem i stap laef!
22 Mo nao, afta long plante testemoni we oli bin givim abaot hem, hemia i testemoni, laswan long evriwan, we hem i givim abaot Hem: se Hem i stap laef! (luk long D&C 76:22).
23 From we Profet i bin luk hem, we i stap long raet han blong God; mo hem i bin harem voes we i testifae se hem i Wan Stret Pikinini Ia Nomo blong Papa —
24 Se from hem, mo tru long hem, mo aot long hem, ol wol oli stap mo oli bin krietem olgeta, mo ol pipol we oli stap long hem oli ol stret boe mo gel long God.
Plante Testemoni
Oli bin givim plante testemoni abaot Kraes we i bin laef bakegen long ded bifo long revelesen ia. Hemia sam long ol eksampol ia:
-
Meri Magdala (luk long Jon 20:11–18)
-
Ol Aposol long dei blong Jisas (luk long Matiu 28:9–20; Mak 16:14–20; Luk 24:36–53; Jon 20:19–29; 21)
-
Tufala disaepol long rod blong Emeas (luk long Luk 24:13–35)
-
Steven (luk long Ol Wok 7:55–56)
-
Pol (luk long Ol Wok 9:1–6)
-
Ol Man blong Nifae (luk long 3 Nifae 11–28)
-
Moronae (luk long Ita 12:39)
-
Josef Smit (luk long Joseph Smith—History 1:16–20)
Hem I Stap Laef!
“Mi bin rid—mo mi bilivim—ol testemoni blong olgeta we oli luk mo filim harem nogud blong taem ia we oli nilim Kraes antap long kros mo glad blong taem ia we Hem i bin laef bakegen long ded. Mi bin ridim—mo mi bilivim—ol testemoni blong olgeta long Niufala Wol we semfala Lod ia we i bin girap bakegen, i bin visitim olgeta.
“Mi bilivim testemoni blong wan we, long dispensesen ia, i bin toktok long Papa mo Pikinini long wan bus, we naoia oli singaotem tabu bus, mo wan we i bin givim laef blong hem, mo i bin silim testemoni ia wetem blad blong hem.”
Presiden Tomas S. Monson, “He Is Risen!” Liahona, Mei 2010, 89.
Ol Wol Oli Stap Tedei mo Oli Bin Krietem Olgeta
“Folem toktok blong Papa, Kraes i bin Lod blong yunives, we i bin krietem ol wol we man i no save kaontem—we wol blong yumi i wan long olgeta (luk long Efesas 3:9; Hibrus 1:2).
“Hamas planet oli stap long yunives wetem ol pipol oli stap long hem? Yumi no save, be yumi no stap yumiwan long yunives! God hem i no God blong wan planet nomo!”
Elda Nil A. Makswel (1926–2004) blong Kworom blong Olgeta Twelef Aposol, long “Special Witnesses of Christ,” Liahona, Epril 2001, 5.
Ol Stret Boe Mo Gel long God
“Yufala i no defren, ol yang fren blong mi we mi laekem tumas raon long wol. Yufala i gat glori mo yufala i gat wan laef we i no save finis. …
“Hem i prea mo blesing blong mi se taem yufala i lukluk pikja blong yufala long wota, bae yufala i luk i go bitim ol samting we yufala i no strong long hem, mo bitim ol tu tingting blong yufala mo luksave huia stret yufala; ol boe mo gel blong God we i Gat Olgeta Paoa, we yufala i gat glori.”
Presiden Dita F. Ukdof, Seken Kaonselalong Fas Presidensi, “Pikja Antap long Wota” (Jos Edukesen Sistem faeasaed blong ol yang adalt, 1 Nov., 2009); i stap long Inglis long CESfiresides.lds.org.
Wan smol pat blong pikja ia Hem I Girap long Ded, i kam long Del Pason