Ol Sot Stori Raon long Wol

Jos I Stap Akseptem Ol Entri blong Nambanaen Intanasonal Art Kompetisen

Jos Histri Miusium bae i mekem ol fom blong rejista long nambanaen Jos Intanasonol Art Kompetisen i stap long Intanet long namba 4 Epril 2011. Ol entri blong kompetisen ia, oli mas sendem tru long Intanet o oli mas postem long postofis bifo long 7 Oktoba 2011. Stamba toktok blong kompetisen ia we i stap kam i, “Mekem Man I Save long Ol Gudfala Wok blong Hem” (luk long D&C 65:4). Blong gat moa infomesen long Inglis o blong luk sam art we oli bin kamaot long ol kompetisen blong bifo, visitim lds.org/churchhistory/museum/competition.

Ol Niu Testeman Stori Oli Stap Naoia long Aksen

Blong sapotem 2011 Niu Testeman kurikulum, ol vidio we oli kamaot long buk blong Ol Niu Testeman Stori oli mekem olgeta oli kam laef tru long wan teknik we oli singaotem paralaks. Ol 65 vidio ia, oli stap long Inglis lanwis wetem tu ol odio MP3 rekoding blong wanwan vidio long 11 lanwis blong LDS.org. Ol paralaks vidio ia bae oli kamaot long wanwan lanwis samtaem long yia 2011. Faenem ol vidio long scripturestories.lds.org mo jusum New Testament Stories.

Ol Yang Man long Bangaloa Oli Komitim Olgeta long Diuti long God

Moa long 30 yang man we oli kam long Bangaloa India Distrik oli bin kam tugeta wanples long ol hil blong Kanakapura blong lanem abaot niufala program blong Diuti long God mo lanem ol lesen long saed blong spirit aot long ol gud aktiviti long saed blong bodi. Ol yang man ia, oli bin yusum wan rop mo wan pul sistem blong krosem wan wota. Oli bin go ron long moning, klaem long wan maonten, mo oli lanem blong hang long wan rop mo kamdaon long wan stip hil wetem. Aktiviti ia i bin en wetem wan testemoni miting.

Lukluk mo lisin long ol gudfala stori blong Niu Testeman taem oli kam laef wetem ol naes kala mo man blong talem stori long scripturestories.lds.org.