“God I Mekem Yumi, mo Naoia we Yufala I Yangfala Yet, Oltaem Yufala I Mas Tingbaot Hem” (Prija 12:1)

Ol skripja oli rekodem ol ministri blong ol profet mo ol aposol. Plante long ol lida ia oli save God taem oli yangfala. Hemia faef skripja stori we i tokbaot ol eksperiens blong sam long ol fiuja lida ia.

• Jon Baptaes, we oli bin singaotem hem blong i mekem ol pipol oli rere blong taem we Lod bae i kam, wan enjel blong Lod i bin odenem hem long paoa ia taem hem i gat eit dei nomo (luk long D&C 84:27–28).

• King Josaea, i kam king taem hem i gat eit yia nomo, mo i rul blong 31 yia mo i helpem ol man Jiu blong oli jenis mo kam long gospel (luk long Seken King 22).

• Momon i gat 10 yia nomo taem Amaron i jusum hem blong i kam nekis man blong lukaotem ol rekod (ol buk blong Nifae). Taem hem i gat 16 yia, Momon i bin lidim ol ami blong ol man Nifae. (Luk long Momon 1:2–4; 2:1–2.)

• Deved i wan yangfala man nomo taem hem i kilim Golaeat i ded, ating hem i gat sem yia olsem ol soldia long ami blong Hileman (luk long Fas Samuel 17:49–56; Alma 53:22).

• Josef i gat 17 yia taem oli bin salem hem i go long Ijip, ples we “Lod i bin stap wetem Josef” (luk long Jenesis 37:2, 27–28; 39:2).