Eaar Rupi To ko an Mej
“Ewōr aer mour indeeo kōn Kraist, eo eaar rupi tok ko an mej” (Mosaia 15:23).
Juon bon̄ ke ajri ro nejim raar iddik, kōm kar kōm̧m̧ane iien an jeje ko rekwojarjar an baam̧ļe eo. Kōm̧ kar riiti kōn Rilo̧mo̧o̧r eo im kar kōnono kōn ekōjkan An jan̄in kar kōm̧m̧ane jabdewōt bōd.
Tokālik ilo bon̄ōn eo lio pāleō eaar likūt leddik eo nejim jilu-iiō-dettan, Susie, n̄an jikin kiki eo. Susie eaar reilōn̄ļo̧k n̄an jinen im kar ba, “M̧am̧a, Jisōs eaar kōm̧m̧ane juon bōd.”
“Ta meļeļe in am̧ ba?” Jinen eaar kajjitōk.
“Eaar rupe juon men,” Susie eaar ba.
Ilo juon wāween eaar kapoke, jinen eaar kajjitōk, “Ta eo eaar rupe?”
“Jisōs eaar rupi to ko an mej,” Susie eaar uwaak.
Lio pāleō eaar kile bwe e im Susie raar al kōn al eo an Būraimere “On a Golden Springtime” elōn̄ kōttan, im Susie eaar katak naan ko “Ilo juon springtime eaiboojoj, Jisōs Kraist eaar jerkakpeje im ilo̧k jān lōb eo ijo Eaar babu ie; to ko an mej Eaar rupi.”1 jinen Susie eaar kōmeļeļeik bwe rupi to ko an mej ej meļeļe in bwe Jisōs eaar jerkakpeje bwe jān maron̄ bar mour ālkin ad mej.
Bwebwenato jab in eaar leļo̧k n̄an lio pāleō im n̄a elōn̄ iien ko rem̧m̧an n̄an katakin leddik ro nejim, Lizzie, Susie, im Emma, kōn ta lukkuun in meļeļe in Pinmuur eo n̄an kōj kajjojo. Susie eaar jim̧we: Jisōs eaar rupi to ko an mej. Bōtaab eaar jab juon bōd. Eaar menin letok eo eļaptata Emaron̄ kar letok n̄an kōj! (Lale Doctrine and Covenants 14:7.)
Rilo̧mo̧o̧r eo eaar mej im eaar jerkakpeje bwe jān maron̄ bar mour ippān Jemedwōj Ilan̄ im baam̧le ko ad ekkar n̄an jim̧we ko ad. Eļan̄n̄e jej erreo, jemaron̄ lem̧ōņōņō kōn kōjeram̧m̧an ko an mour jab wabanban im mour indeeo juon raan. Ij kam̧oolol bwe Jisōs eaar rupe juon men—to ko an mej!
Tuanbwijmaron̄: Pija jen Dilleen Marsh