Jodikdik ro
Inaaj Bar Lo E
Baba eaar kōm̧m̧an bwe kōm ajri ro en̄jake am aorōk. Eaar iakwe kōm im pidodo an kar jeorļo̧k bōd. Eaar kōm̧m̧ane ijo em̧m̧an tata ilo e n̄an kanooj kōm̧m̧an bwe kajjojo iaam en kar m̧ōņōņō, im eaar kalikkare bwe eaar kōņaan ijo em̧m̧an tata n̄an kōm. Eaar lukkuun ļap aō iakwe e.
Ke Iaar pād ilo jiljino kūlaj, baba ear mej ilo juon itaak in waan ettōr. Baam̧le eo aō im N̄a kar kar kanooj būrom̧ōj. Eaar wōr juon ettal ilo baam̧le eo am. Baba eo eaar armej eo Iaar kōjatdikdik ioon, armej eo Iaar ilo̧k n̄an e eļan̄n̄e eaar wōr Aō inepata. Ijello̧kin kappok jipan̄ ālkin an mej, Iaar kōtļo̧k bwe illu im metak ren pād wōt. Āliktata Iaar ļōmņak ekar an Anij bōd. Iaar bōjrak aō riiti jeje ko rekwojarjar aō im kōm̧m̧ani jar ko aō. Iaar ilo̧k n̄an m̧ōn jar eo kōnke Jinō eaar kōņaan bwe in ilo̧k. Iaar kajjieon̄ pād ettoļo̧k jān Jemedwōj Ilan̄.
Innām Iaar etal n̄an kāām eo an Doulul eo Jiron̄ ro ej kab kein kajuon. Eaar em̧m̧an ippa ioon ro m̧ōtta rekāāl, bōtaab Iaar jan̄in kar riiti jeje ko rekwojarjar aō. Ilo bon̄ōn eo āliktata, ekar wōr juon am kweilo̧k in kwaļo̧k naan in kam̧ool. Iaar en̄jake juon men Ijjan̄in kar en̄jake ilo juon tōre aitok: Jetōb. Iaar nōbar leddik ro me raar jutak im kwaļo̧k naan in kam̧ool ko aer, bōtaab Iaar jijet wōt kōnke Iaar ļōmņak eaar ejjeļo̧k juon aō. Ilo būkkin kole ilo rom Iaar en̄jake āinwōt Iaar aikuj in jutak. Iaar kōpeļļo̧k lo̧n̄iiū, ļo̧kjen aō kōn ta eo n̄an ba: Kōn menin Iaar ba Iaar m̧ōņōņō kōn kāām eo an Doulul eo an Jiron̄ ro. Innām Iaar lo aō make ba bwe Ijeļā Jisōs Kraist eaar mej kōn n̄a im bwe Jemedwōj Ilan̄ eaar iakwe eō im bwe Kabun̄ in eaar m̧ool.
Iaar obrak kōn juon aenōm̧m̧an eo ekabwilōn̄lōn̄. Kam̧oolol kōn jeļā in Imaron̄ ba bwe Ijeļā Inaaj bar lo baba kōnke kōn Pinmuur eo im Jerkakpeje eo an Rilo̧mo̧o̧r eo.