Sister ko ilo Āt im Tōmak
Maria im Diana D. rejjab baj sister wōt; rej ro m̧ōttā rem̧m̧an barāinwōt. Diana ej 10 iiō dettan, im Maria ej tōpar 12 O̧kwōj eo ļo̧k. Rej jokwe ilo Romania, ijo ewōr enan̄in 3,000 membōr ro an Kabun̄ in. Raar dāpij ilo kajoor tōmak eo aer ilo Jisōs Kraist kōn etal n̄an m̧ōn jar eo, riiti jeje ko rekwojarjar, im jar.
“Ilo m̧ōn jar eo Iaar katak n̄an wōt tōmak ilo Anij,” Maria ej ba. Juon raan eaar wōr juon an teej, kōn menin eaar jar n̄an Jemed Ilan̄ ilo etan Jisōs Kraist kōn jipan̄. Ke eaar bōk juon kūreet em̧m̧an, eaar en̄jake bwe Jemed Ilan̄ eaar jipan̄ e.
Diana ej ba Bok in Mormon ej jipan̄ e n̄an wōt an tōmak. “Aolep raan n̄e Ij riiti Bok in Mormon, Ij m̧ōņōņōn kōn raan eo,” ej ba. Bwebwenato eo an jeje ko rekwojarjar em̧m̧an tata ippān ej bwebwenato in Joseph Smith. “Eaar jar, im Anij im Jisōs Kraist raar jipan̄ e,” ej ba.
Jako̧leej
Sister rein jim̧or kōm̧ao laļ eo enno tata ej jako̧leej: Maria ej kōņaan brownies, im Diana ej kōņaan keek jako̧leej.
Al eo em̧m̧an tata
Maria im Diana erro jim̧or rej kōjan̄jan̄ piano. Al eo em̧m̧an tata ippān Maria ej “Love One Another.” Ej kōn kien eo an Jisōs n̄an iakwe armej ro jet. Diana enan̄in maron̄ kōjan̄e ilo jejjet, bōtaab jem̧ļo̧k eo ej m̧ōttan eo epen tata, ej ba.
Ij Iakwe n̄an Lo Tampeļ eo
Jim̧or Maria im Diana rej kōņaan m̧are ilo tampeļ juon raan. Rej jokwe ilo Kyiv Ukraine Tampeļ District eo.
Ke Diana ej rūttoļo̧k, enaaj etal n̄an Kyiv Ukraine Tampeļ eo n̄an kōm̧m̧ane peptaij ko kōn ro remej. Maria ej kiiō bwe an rūtto n̄an etal. Tampeļ eo ej enan̄in 500 m̧aiļ ko (805 km) ettoļo̧k.
Baam̧le M̧okta
Maria im Diana rej iakwe ro jiner im jemer. “M̧am̧a ej kōm̧m̧an bwe en em̧m̧an ļo̧k am en̄jake n̄e kōmij nan̄inmej,” Maria ej ba. “Baba ej bōk kōm n̄an jikuuļ,” Diana ej ba.
Al ko
Al eo em̧m̧an tata ippān Diana ej “Jon Melaj Eo an Judia Ettolok,” eo ej kwaļo̧k kōn n̄aat eo Jisōs Kraist eaar ļotak. Membōr ro ilo Romania rej kōjerbal bok in al maroro eo an Kabun̄ in. “Imnuri” ej meļeļe in “al ko” ilo Romanian.
Pija in sister ro jen Adam C. Olson; pija in keek eo im brownie ko jen Thomas S. Child