Jemenere ilo Jan̄kōļ in Ecuador
Ilo jab inam̧kaņ ettoļo̧k, jemenere ej kōm̧m̧ane juon oktak eļap n̄an jodikdik rein.
Irear in Quito, Ecuador, eļļāļo̧k jān boļkeno ko im Andes Toļ ko, bwidej em̧ōkaj an oktak n̄an jab inam̧ kaņ an Amazon. Ijo kwonaaj lo wōjke ko rōmejjel, reba ko raiboojoj, m̧an̄ki ko, toucan ko, im em̧ool ke ko repiin̄.
Kwonaaj bar lo juon jikin kweilo̧k ņa etan Puerto Franisco de Orellana. Ekwe, ettoļo̧k jān, aolep men ko ilo Ecuador. Jōn̄oulļalem iiō ko rem̧ootļo̧k, eaar wōr jet wōt armej ro ilo eria eo. Bōtaab kōn lo petroleum kar bōk tok jikin jerbal, armej ro raar kappok jerbal, im membōr ro an Kabun̄ in.
Jemenere ilo juon Branch Edik
Jet iaan jodikdik ro, āinwōt Oscar R., eaar m̧ōj kadede aer membōr ke branch eo eaar ejaak, bōtaab elōn̄ iaer raar rioktak ro rekāāl. Im būruwier elim̧otak kake Kabun̄ in. “Kōmij kajoor,” Oscar ej ba.
Ilo Jeptōm̧ba 2010, juon iiō ālkin kar ejaake eo, branch eo eaar jino būrookraam̧ in jemenere eo. “M̧o̧ktata ke kōm̧ kar jino koba jet iiō remootļo̧k,” Oscar ej ba, “eaar lukkuun iiet kōm. Kar n̄a wōt jodikdik. Bōtaab eaar jab bōjrak am eddōkļo̧k. Ejjab to eaar wōr 6 kōm, innām 10, im kiiō elōn̄ ļo̧k jodikdik.”
Kōnke jet iaan jodikdik ro rej pād ilo jikuuļ ilo jibbon̄ im ro jet ilo ālkin raelep, raar ejaake ruo jikejuuļ in kūlaj in jemenere ko—juon ilo jibbon̄ jān 8:00 n̄an 9:00 im eo juon ilo ālkin raelep jān 4:30 n̄an 5:30.
Emaron̄ kar jab lōn̄ jodikdik ro ilo būrookraam̧ eo, bōtaab n̄an jodikdik ro me rej pād, jemenere eaar ukōt mour ko aer.
Etke Ilo̧k?
“Jemenere ej juon kōjeram̧m̧an eļap n̄an eō,” Luis V. ej ba, juon rioktak kāāl. “Ej jipan̄ kōpooj eō n̄an erom juon mijinede em̧m̧an. Em̧ōj aō jelm̧ae elōn̄ apan̄ ko im kapo ko jān ke Iaar koba tok ilo Kabun̄ in, bōtaab Iaar maron̄ in kōkajoor n̄a make kōnke Ijeļā Ij kōm̧m̧ane ta eo ejim̧we.”
Im ejjab Luis wōt ej en̄jake wāween jab in. “Em̧ōj aō juon membōr in Kabun̄ in ium̧win juon iien ekadu,” Ariana J. ej ba, “bōtaab em̧ōj aō pād ilo jemenere jān ke Iaar peptaij. Ij m̧ōņōņōn in pād ie kōnke Ij katak elōn̄ men ko rem̧ool ikkijien ko̧jpeļ eo an Jisōs Kraist me ej kobrak būruō kōn kōjatdikdik im ļōmņak eo aō kōn meļeļe.”
Pād ilo jemenere eaar jipan̄ ejake juon pedped epen an Ariana ilo ko̧jpeļ eo. “N̄an n̄a, ej juon jeram̧m̧an n̄an erom juon m̧ōttan kūlaj kein,” Ariana ej ba. “Rej kōkajoorļo̧k jetōb eo aō im jipan̄ eō kōppopo bwe juon raan In maron̄ erom juon lio pālele, m̧am̧a, ritōl em̧m̧an ilo Kabun̄ in, im bōlen juon mijinede ej jerbal aolep raan.”
Būratōr eo an Ariana, Gerardo, ej en̄jake ejja āinwōt. “Ij kam̧oolol kōnke jemenere eaar erom juon m̧ōttan mour e aō eaorōk,” ej ba. “Ej kōpooj eō n̄an jerbale juon mijen juon raan. Ijo Iaar katak kōn karōk in lo̧mo̧o̧r eo me Anij eaar kōpooj n̄an eō. Kajjojo kūlaj Ij pād ie ej letok n̄an eō kōjatdikdik bwe Imaron̄ deļo̧n̄e Laļ Selestial im ej letok n̄an eō m̧ool eo bwe Iaar bōk ko̧jpeļ eo an Jisōs Kraist.”
Gerardo jet iien ej lukkuun m̧ōk ilo iien kūlaj. Ej aikuj in bōk ļaddik eo jatin n̄an jikuuļ m̧okta innām m̧ōkaj in ro̧o̧l n̄an kapijuknen n̄an bōk sister eo an bwe ren maron̄ etal n̄an jemenere. Bōtaab ejjab watōk.
“Aolepen menin relukkuun in kāāl n̄an n̄a, bōtaab Ilukkuun in m̧ōņōņō.” Gerardo ej ba. “Ijeļā Ij pād ilo iaļ eo ejim̧we me enaaj letok n̄an eō iien eo em̧m̧an n̄an lo Jemedwōj Ilan̄ bar juon alen. Jetōb Kwojarjar eo ej letok n̄an eō kalim̧m̧ur in. Ij aikuj in wōt kōm̧m̧ane kijejeto eo im kije eo n̄an jem̧ļo̧k in.”
Ejjeļo̧k Aikuj in Ikūm̧kūm̧
N̄an Walter A., jemenere eaar ilo jinoin abje. Iaar ikūm̧kūm iien eo jino in tata Iaar itok,” ej ba. “Bōtaab ke Iaar deļo̧n̄ ilo kūlaj eo, Iaar en̄jake aō aorōk kōnke Iaar en̄jake iakwe eo kwoj en̄jake n̄e kwoj ekkatak jeje ko rekwojarjar. Im ke Iaar en̄jake, Iaar en̄jake kōkajoorļo̧k eo kōn m̧ōņōņō eo ilo būruō kōn ta eo Iaar katak. Juon iaan kōjeram̧m̧an ko reļļap tata ewōr ippān Jemedwōj Ilan̄ n̄an jodikdik ro ej jemenere.”
“Kabun̄ eo an Jisōs Kraist im Armej ro Rekwojarjar ilo Raan-ko Āliktata em̧ōj an kar ukōt mour eo aō,” Able A. ej ba, eo ej barāinwōt kōppopo n̄an etal n̄an juon mijen. “Ij katak kōn katak ko an rikanaan ro. Ij iakwe Joseph Smith. Eaar peran ilo an kar kwaļo̧k tok Jepļaaktok eo an Kabun̄ eo em̧ool ilo kōjekdo̧o̧n aolep jorrāān ko menin eaar kwaļo̧k n̄an e. Ikōņaan erom peran āinwōt eaar.”
Elōn̄ jodikdik ro raar aikuj in kōm̧m̧ani karmejete ko n̄an pād ilo jemenere. Ejjab iien otemjej pidodo, bōtaab n̄an jodikdik ro ilo Puerto Francisco de Orellana, Ecuador, ewōr tokjen kijejeto eo.
“N̄e Ij ļōmņak kōn bun̄ m̧aanļo̧k, āinwōt an jeje ko rekwojarjar ba,” Abel ej kōmeļeļeik, Ij ļōmņak kōn meļeļe eo n̄an karōk aorōk tata n̄an mour. Jemenere ej juon iaan men kein. Ejja āinwōt an kar ukōt mour eo aō, emaron̄ kōm̧m̧ane ejja āinwōt n̄an jodikdik ro jet.”
Jekdo̧o̧ņ ilo buļōn tata in jab inam̧ kaņ ilo Ecuador, Kabun̄ eo an Jisōs Kraist im būrookraam̧ in jemenere eo an n̄an jodikdik ro ej eromaakļo̧k im ukōt mour ko an ro me raar kālet n̄an kōm̧m̧an bwe en.
Jemenere ej kōkajoorļo̧k jodikdik ro ejja āinwōt rein ilo Ecuador, elōn̄ wōt iaer rej rioktak ro rekāāl.
Pija jen Joshua J. Perkey