TA‘U MAU PARAU TUMUNO TE EVANELIA

E pee au i te faanahoraa ta to‘u Metua i te Ao ra i faataa no‘u.

E haamana‘o noa vau i te fafauraa o to‘u bapetizoraa e e faaroo vau i te Varua Maitai.

E maiti au i te maitai. Ua ite au e nehenehe au ia tatarahapa ia rave ana‘e au i te hoê hape.

E vai parau-ti‘a noa vau i to‘u Metua i te Ao ra, ia vetahi ê, e ia‘u iho nei.

E faatura vau i te i‘oa o te Metua i te Ao ra e i to Iesu Mesia. Eita vau e parau i te parau ino e aore râ, e parau i te mau parau teimaha.

E rave au i te mau ohipa i te mahana sabati o te tauturu ia‘u ia haafatata’tu i te Metua i te Ao ra e ia Iesu Mesia.

E faatura vau i to‘u na metua e e rave au i ta‘u hopoi‘a no te haapuairaa i to‘u utuafare.

E tape‘a mâ vau i to‘u feruriraa e e haamo‘a vau i to‘u tino, e eita vau e rave i te mau mea o te haaviivii ia‘u.

E ahu vau i te ahu e tano no te faaite i to‘u faatura i te Metua i te Ao ra e ia‘u iho nei.

E tai‘o noa vau e e mata‘ita‘i au i te mau mea e oaoa’i te Metua i te Ao ra.

E faaroo noa vau i te himene e oaoa’i te Metua i te Ao ra.

E imi au i te mau hoa maitai e e hamani maitai au ia vetahi ê.

E ora mâ vau mai teie atu no te tomo i roto i te hiero e ia rave i ta‘u tuhaa ia roaa te hoê utuafare mure ore.

E tamarii au na te ATUA RA.

Ua ite au e ua here to‘u Metua i te Ao ra ia‘u, e ua here atoa vau Ia’na.

E nehenehe au e pure i te Metua i te Ao ra i te mau taime atoa, i te mau vahi atoa.

Te tamata nei au i te haamana‘o e i te pee ia Iesu Mesia.