Te mau parau apî no te hiero

Pureraa haamo‘araa no te hiero no Quetzaltenango Guatemala

Ua haamo‘ahia te hiero no Quetzaltenango Guatemala i te sabati 11 no titema 2011, i roto e toru tuhaa pureraa e te peresideni Dieter F. Uchtdorf, Tauturu Piti i roto i te Peresideniraa Matamua. Ua haapurorohia te mau tuhaa pureraa haamo‘araa i te mau amuiraa o te Ekalesia tapiri noa i te hiero.

« Aue te nehenehe o teie hiero », te parau ïa a te peresideni Uchtdorf i te faaoaoaraa i te mahana maa, i reira te feia apî no te mau amuiraa i te oriraa, i te himeneraa, e i te faaiteiteraa i te aamu e te peu no taua vahi ra. « E anaana to’na mai te hoê tao‘a piru, e ua riro te reira ei hoê tao‘a piru no teie pae fenua ».

Te hiero no Quetzaltenango Guatemala, o te 136raa ïa o te hiero a te Ekalesia na te ao atoa nei e te paeraa i Marite Ropu. E faaohipahia teie hiero e na 60 000 feia mo‘a i te mau mahana hopea nei.

Oro‘a tapuraa repo no te hituraa o te hiero i Paratira (Brésil)

I te 15 no novema 2011, ua peresideni o Elder David A. Bednar no te Pŭpŭ no te Tino Ahuru Ma Piti Aposetolo i te oro‘a tapuraa repo no te hiero no Fortaleza Brazil, te hituraa o te hiero i Paratira.

« E riro teie hiero mai te hoê puna no te ti‘aturi, no te maramarama, e no te faaroo i te Atua no ratou atoa e haere mai e e taahi mai i ô nei e i roto i teie aua », te parau ïa a Elder Bednar. « E maitai atu â teie oire e te taa ê ho‘i no te mea te patuhia ra te hiero i ô nei ».

Te patuhia ra te hiero i Avenida Santos Dumont i Fortaleza, Ceará, Brazil (Paratira). Na te peresideni Thomas S. Monson i faaara i te paturaa o te hiero no Fortaleza Brazil i te amuiraa rahi ra no atopa 2009.

Te hiero no Quetzaltenango Guatemala, haamo‘ahia i te 11 no titema 2011, e te peresideni Dieter F. Uchtdorf, o te 136raa o te hiero a te Ekalesia.

Na :