2 Timoteo 3:16–17

Ua haapii te Aposetolo Paulo e nahea te mau papa‘iraa mo‘a i te haamaitai i to tatou oraraa.

16 Te mau parau mo‘a atoa i papa‘ihia ra e mea faaurua mai ïa e te Atua, e e mea maitai ei haapiiraa, ei a‘oraa, ei faaiteraa hapa, ei faaite mau i te parau-ti‘a ra:

17 Ia au roa te taata no te Atua i te mau ohipa maitatai atoa ra.

Te mau parau mo‘a atoa

« Ia hinaaro tatou i te paraparau i te Atua, e pure tatou. E ia hinaaro tatou ia paraparau mai Oia ia tatou, e imi tatou i te mau papa’iraa mo‘a ; no te mea, na roto mai Ta’na mau parau i Ta’na mau peropheta. I reira Oia e haapii ai ia tatou a faaroo ai tatou i te mau muhumuhu o To’na ra Varua Maitai.

« Mai te mea e, aita outou i faaroo i To’na reo i te paraparauraa mai ia outou i teie mau mahana a‘e nei, a hoi i roto i te mau papa’iraa mo‘a ma te mata apî e te tari‘a apî. Te reira to tatou reni oraraa ».

Elder Robert D. Hales no te Pŭpŭ no te Tino Ahuru Ma Piti Aposetolo, « Te mau papa‘iraa mo‘a: Te mana o te Atua ia ora tatou », Liahona, Novema 2006, 26–27.

Haapiiraa

« Te haapiiraa tumu mau e maramaramahia ra, na te reira e taui i te huru e te raveraa o te taata E haamaitai te tuatapaparaa i te mau haapiiraa tumu o te evanelia i te raveraa e e mea vitiviti a‘e te reira i te tuatapaparaa no ni‘a i te raveraa ».

Peresideni Boyd K. Packer, Peresideni no te Pŭpŭ no te Tino Ahuru Ma Piti Aposetolo, « Eiaha e măta‘u », Liahona, Me 2004, 79.

A‘oraa

A‘oraa—faahapa, ta‘iri, tama‘i, e aore râ, faatitiaifaro, na roto i te mărû.

Faaiteraa hapaTe auraa no

ta‘o tumu i roto i te Hereni tei faaohipahia i roto i te Bibilia maori râ, « faaafaro faahou ». No reira, na te mau parau mo‘a e tauturu ia outou ia vai noa i ni‘a i te e‘a afaro e te pirihao (a hi‘o 2 Nephi 9:41).

Ia au roa

Ia au roa —ia horo‘a, ia ineine

Te mau ohipa maitai

Eaha te mau ohipa maitai ta te mau parau mo‘a e faaineine ia outou ia rave ? Teie te tahi pae o te reira mau ohipa. E nehenehe anei ta outou e feruri i te tahi atu â ? A papa‘i i te reira i roto i ta outou buka aamu.

Te taviniraa ei misionare rave tamau
Te raveraa i te mau piiraa i roto i te Ekalesia (mai te peresideniraa autahu‘araa e aore râ, no te pŭpŭ)
Haapiiraa i te evanelia
Faaiteraa i te iteraa papû
Faaiteraa i te evanelia
Pahonoraa i te mau uiraa a te mau hoa no ni‘a i te Ekalesia