Tuahine i te i‘oa e i te faaroo
E ere o Maria e o Diana D. i te tuahine noa; e na hoa rahi atoa raua. 10 matahiti to Diana, e 12 matahiti to Maria i te ava‘e atete i ma‘iri a‘enei. Te ora nei raua i « Roumanie », fatata e 3 000 melo no te Ekalesia i reira. Ua tapea raua i to raua faaroo ia Iesu Mesia ma te puai na roto i te haereraa i te pureraa, te tai‘oraa i te mau papa‘iraa mo‘a, e te pureraa.
Te parau ra o Maria e, « I roto i te Ekalesia ua haapii mai au ia faaroo i te Atua ». I te hoê mahana, e hi‘opo‘araa ta’na, e no reira, ua pure oia i te Metua i te Ao ra na roto i te i‘oa o Iesu Mesia no te ani i te tauturu. I te fariiraa oia i te hoê numera maitai, ua mana‘o oia e, ua tauturu mai te Metua i te Ao ra ia’na.
Te parau ra o Diana e, ua tauturu te Buka a Moromona ia’na ia roaa te faaroo. Te parau ra oia e, « I te mau mahana atoa e tai‘o vau i te Buka a Moromona, e farii au i te hoê mahana maitai ». Ta’na aamu papa‘iraa mo‘a au roa o te aamu ïa o Iosepha Semita. Ua parau oia e, « Ua pure oia, e ua tauturu mai te Atua e o Iesu Mesia ia’na ».
Totora
Te monamona au roa na teie na tuahine o te totora ïa: E mea au na Maria te « brownies », e mea au na Diana te faraoa monamona totora.
Te Himene Auhia
E faata‘i o Maria e o Diana i te piana. Te himene au roa na Maria oia hoi « A here outou ». No ni‘a ïa i te faaueraa a Iesu ia here i te tahi atu mau taata. Fatata e nehenehe ta Dianna e ha‘uti maitai i te reira himene, tera râ, i te pae hopea, e mea paari rii ïa, ta’na ïa parauraa.
E mea au na’u ia hi‘o i te hiero
Te hinaaro nei o Maria e o Diana ia faaipoipo i roto i te hiero i te hoê mahana. Te ora nei raua i roto i te Mataeinaa Hiero no Kyiv Ukraine.
Ia paari rii a‘e o Diana, e haere oia i te Hiero no Kyiv Ukraine no te rave i te mau bapetizoraa no te feia i pohe. Ua tano te paari o Maria no te haere. E 500 maire (805 km) te atea te hiero.
Na mua te utuafare
E mea here roa na Maria e o Diana to raua na metua. Ua parau o Maria e, « E imi o mama i te rave‘a ia maitai matou ia pohehia matou i te ma‘i ». Ua parau o Diana e, « Na papa e afa‘i ia matou i te fare haapiiraa ».
Te mau himene
Te himene au roa na Diana oia ho‘i, « I te Atea, I Iudea ra », te faaite maira te reira ia tatou i te taime a fanauhia ai o Iesu Mesia. Te faaohipa nei te mau melo i « Roumanie » i te buka himene matie a te Ekalesia. « Imnuri » to’na auraa « himene » i roto i te reo no « Roumanie ».
Hoho‘a o te mau tuahine na Adam C. Olson; faahoho‘araa no te faraoa monamona e te « brownie » na Thomas S. Child