BibleVideos.LDS.org Ej Juon Menin Letok n̄an Laļ in

Ilo 2011 Nokon in Jota in Kūrijm̧ōj eo an Būreejtōnji eo Kein Kajuon, ritōl ro an Kabun̄ in raar kwaļo̧k Mour eo an Jisōs Kraist Bible Videos website, juon “menin leļo̧k” n̄an laļ in.

BibleVideos.lds.org ej juon jikin kōn pija ko rekaddu me rej kwaļo̧k jikin ko jān mour eo an Kraist, jikin ko jān an enjeļ eo kar kwaļo̧k kōn ļotak eo an Kraist n̄an Jerkakpeje eo an Rilo̧mo̧o̧r eo.

Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, eaar kwaļo̧k site eo ilo iien nokon in jota eo.

“Āinwōt jeje ko rekwojarjar me pija kein rekadu rej kūrm̧ool, remaron̄ in ittiņo̧ n̄an kom̧,” eaar ba. “Tomak eo ami im Jetōb Kwojarjar eo enaaj kōm̧m̧ani en̄jake ko an m̧akūtkūt ko n̄an oktak kein an laļ in jej jelm̧ae.”

Kein katakin eo n̄an pija ko em̧ōj an kar letok jān pija eo kar kanne ilo Church LDS Motion Picture Studio South Campus eo ekāāl ilo Goshen, Utah, ijo pijaik Kalim̧m̧ur Ekāāl Jeje ko Rekwojarjar Library Project eo eaar jino ilo O̧kwōj in 2011.

Būroojāāk in enaaj leļo̧k elōn̄ļo̧k jān 100 pija ko rekaddu kwaļo̧k kōn mour eo an Kraist, kar būki jān naan ko an King James Version Baibōļ eo.

Website eo kar kōm̧m̧ane n̄an kapidodoik lale im ej pād ilo Kajin Pālle (BibleVideos.lds.org), Spanish (videosdelabiblia.org), im Portuguese (videosdabiblia.org). Juon Ipad app ej barāinwōt ejjeļo̧k oņāān, letok juon wāween ekāāl n̄an jeļā kōn bwebwenato ko an Baibōļ kōn loe, ron̄jake, im un̄uri.

Āliktata, epaakeļo̧k 100 pija ko kwaļo̧k jān jikin ko an Kalim̧m̧ur Ekāāl kōn mour eo an Kraist naaj wōt kōn Mour eo an Jisōs Kraist Bible Video website eo.

NŌBAR: ??