Nuuk ko an Tampeļ

Iien Aje eo kar Kōm̧m̧ane n̄an Quetzaltenango Guatemala Tampeļ eo

Quetzaltenango Guatemala Tampeļ eo kar aje ilo Jabōt, Tijem̧ba 11, 2011, ilo jilu m̧wein̄an ko jen Būreejtōn Dieter F. Uchtdorf Rikakpilōklōk eo Kein Karuo ilo Būreejtōnji eo Kein Kajuon. M̧wein̄an ko an aje eo kar kadiwōjļo̧k n̄an jarlepju ko an Kabun̄ in ilowaan tampeļ district eo.

“Juon tampeļ eo eaiboojoj,” Būreejtōn Uchtdorf eaar ba ilo iien ikkure kōn m̧anit eo ilo Jādede eo, ijo rikkure in jodikdik ro jān eria eo raar eeb, im kwaļo̧k juon m̧akūtkūt kōn bwebwenato in ijo jokwe ie im m̧anit eo. “Eaar juon meram eo erabōlbōl āinwōt juon m̧arm̧ar, im eaar juon m̧arm̧ar n̄an eria in an laļ in.”

Quetzaltenanto Guatemala Tampeļ eo ej tampeļ eo an Kabun̄ in kein 136th aolepen laļ in im kein kōļalem ilo Central America. Tampeļ in enaaj jerbal n̄an enan̄in 60,000 Armej ro Rekwojarjar ilo Raan-ko Āliktata.

Kabun̄ in ej rupe Bwidej eo n̄an Tampeļ eo kein Kajiljilimjuon ilo Brazil

Ilo Nobōm̧ba 15, 2011, Elder David A. Bednar jen Doulul eo an Jon̄oulruo Rijilōk ro eaar tōl iien rupe bwidej eo n̄an Fortaleza Brazil Tampeļ eo, tampeļ eo kein kajiljilimjuon an Kabun̄ in ilo Brazil.

“Tampeļ in enaaj juon unin kōjadikdik, meram, im tōmak ilo Anij n̄an aolep ro me rej itok im etetal ijin im ilo meļan in,” Elder Bednar eaar ba. “Jikin kweilo̧k in enaaj iien otemjej em̧m̧an ļo̧k im oktak kōnke tampeļ eo naaj ekkal ijin.”

Tampeļ eo enaaj ekkal ilo Avenida Santos Dumont in Fortaleza, Ceara Brazil. Būreejtōn Thomas S. Monson eaar kōjeļļā kōn ekkal eo an Fortaleza Brazil Tampeļ eo ilo Oktoba 2009 kweilo̧k eo eļap.

Quetzaltenango Guatemala Tampeļ eo, kar aje ilo Tijem̧ba 11, 2011, jen Būreejtōn Dieter F. Uchtdorf ej tampeļ eo an Kabun̄ in kein 136th.

NŌBAR