2 Timote 3:16–17

Rijilōk Paul eaar katakin ekōjan an jeje ko rekwojarjar kōjeram̧m̧an mour ko ad.

16 Aolep jeje ko otemjej em̧ōj letok kōn kakūrm̧ool an Anij, im barāinwōt wōt tokjeir kōn katakin, im kauwe, im kajim̧we, n̄an katakin ilo jim̧we:

17 Bwe armej karijeran Anij en weeppān im em̧ōj kōkōm̧m̧anm̧ōn e n̄an jerbal em̧m̧an otemjej.

Aolep Jeje Ko Rekwojarjar

“N̄e jej kōņaan kōnono n̄an Anij, jej jar. Im n̄e jej kōņaan bwe En kōnono n̄an kōj, jej etali jeje ko rekwojarjar; bwe naan ko An rej kōnono tok kōn rikanaan ro An. Innām Enaaj katakin kōj ilo ad ron̄jake im̧we ko an Jetōb Kwojarjar.

“Eļan̄n̄e kwoj jan̄in kar ron̄ ainikien An kōnono n̄an kwe, bar ro̧o̧l tok kōn juon mej im lojilin̄i kāāl n̄an jeje ko rekwojarjar. Rej unin mour ko ad ilo jetōb.”

Elder Robert D. Hales an Doulul eo an Jon̄oulruo Rijilōk ro, “Holy Scriptures: The Power of God unto Our Salvation,” Liahona, Nob. 2006, 26–27.

Katak

“Katak eo em̧ool, emeļeļe, ej ukōt m̧wil ko im m̧anit ko. Ekkatak katak ko an ko̧jpeļ eo renaaj kōm̧ōkajļo̧k kōkōm̧anm̧anļo̧k m̧anit eo jān ekkatak kōn m̧anit eo enaaj kōkōm̧anm̧anļo̧k m̧anit eo.”

Būreejtōn Boyd K. Packer, Būreejtōn eo an Doulul eo an Jon̄oulruo Rijilōk ro, “Do Not Fear,” Liahona, Māe 2004, 79.

Kauwe

Kauwe—ko̧bōl, karreoik, kipel, ak kajim̧we ekkā ilo juon jekjek ejouj.

Kajim̧we

Naan in Greek eo m̧oktata kar kōjerbale ilo Baibōļ lukkuun meļeļe in “bar kajim̧we.” Kōn menin jeje ko rekwojarjar rej jipan̄ dāpij eok ilo ļain eo im ļoor iaļ eo ejim̧we im aidik (lale 2 Nipai 9:41).

Jipan̄ ļo̧k

Jipan̄ ļo̧k—kanne kobban, wujkinen.

Jerbal ko Rem̧m̧an

Ta kain jerbal ko rem̧m̧an jeje ko rekwojarjar rej kōm̧m̧ani n̄an jipan̄ eok kōppopo n̄an kōm̧m̧ani? Errein rej jet iaan men ko ralikkar rellōn̄. Komaron̄ ke ļōmņak kōn elōn̄ ļo̧k? Jeje kaki ilo jōōnōļ eo am̧.

Jerbal āinwōt juon mijinede ej jerbal aolep raan
Kakūrm̧ool kūr ko an Kabun̄ (āinwōt būreejtōnji ko an doulul im kūlaj)
Katakin Ko̧jpeļ eo
Kwaļo̧k naan in kam̧ool
Kwaļo̧k ko̧jpeļ eo
Uwaaki kajjitōk ko an ro m̧ōttan kōn Kabun̄ in