Jab Kūrāāj
Bōbrae jorrāān ko reļļap tok ālik jān kōm̧m̧ani jorrāān ko reddik kiiō.
Andrei eaar iakwe baļuun ko jān ke eaar dik. Bōtaab ilo an lōn̄ ro me rej ettōņak in ekākke, bōran Andrie eaar jab ļōmņak in ekākke ilo baļuun; itok limo eo an eaar ilo kōm̧m̧an baļuun. An 16-iiō dettan jān Romania ej ekkatak n̄an erom juon rikōm̧m̧an baļuun.
Ilo Romania jodikdik ro remaron̄ kālet n̄an pād ilo high school n̄an kōppopo n̄an college ak pād ilo trade school. Kōnke iakwe eo an Andrie kōn baļuun ko, jokālet eo an n̄an pād ilo juon trade school in baļuun eaar pidodo.
Rikōm̧m̧an baļuun ro rejjab baj kōm̧m̧ani wōt baļuun ko rejorrāān. Juon iaan men ko raorōk rej kōm̧m̧ani ej etale im kejparok baļuun ko bwe ren jab jorrāān. Iien otemjej rej etale aolep men ilo juon baļuun, jān pikpik ko n̄an kein ektuwe nee ko im kajjojo m̧ōttan ko ikōtaan.
“Emaron̄ in pen n̄an lo jorrāān eo edik me emaron̄ kōm̧m̧an bwe juon baļuun en kūrāāj,” Andrei ej ba. “Bōtaab pukōte epidodo ļo̧k jān kajieon̄ in bar kōm̧m̧ane baļuun eo bwe en likieo bar juon alen.”
Ļoor jikejuuļ in kōm̧m̧ane iien otemjeļo̧k im jab kejoon rej aorōk—jim̧or n̄an baļuun ko im n̄an membōr ro an Kabun̄ in—n̄an maron̄ kile im kajim̧we jorrāān ko m̧okta jān aer erom kauwōtata an mour jim̧or ilo injiin ak jetōb.
Jerbal in Kejparok ilo Jetōb
Andrie ej jokwe ilo Bucharest, juon jikin enan̄in ruo milien armej. Mekarta, Kabun̄ in ebwe an kāāl ilo Romania, im membōr ro ie ebwe wōt n̄an ruo branch ko ie. Andrie im baam̧le eo an rej jokwe ettoļo̧k jān membōr ro jet an branch eo aer. Andrie ej en̄jake eddo eo an laļ in ipeļaakin ilo jikuuļ im ibwilijin ro m̧ōttan. Ejeļā ewi jon̄an an pidodo n̄an kūrāāj—kōnono kōn bwinnin jetōb—eļan̄n̄e eban kōm̧m̧ane jerbal in kejparok eo an ilo jetōb iien otemjej.
Mour emaron̄ in boub. Ippān ļo̧k iien eo Andrie ej joļo̧k ilo ekkatak ko an ilo jikuuļ, football, im kamputōr, ej kōm̧m̧an iien n̄an jar, jitlo̧k, ekkatak jeje ko rekwojarjar, im kakūrm̧ool eddo ko an āinwōt juon pris. Ej barāinwōt kanooj lale ej “etal” n̄an jemenere, eo ej kōm̧m̧ane ilo online kōnke ettoļo̧k.
Kōm̧m̧m̧ane men ko ej m̧ōttan jerbal in kejparok ilo jetōb iien otemjej me ej jipan̄ kile im kajim̧we m̧ōjņo̧ ko m̧okta jān aer tōl n̄an juon kūrāāj an mour-kauwōtata an juon paotok in jetōb.
“Ewōr jet men ko kwoj aikuj in kōm̧m̧ani iien otemjej—ejake juon iminene,” ej ba. “Kwojjab maron̄ kōtļo̧k bwe mour en anjo.”
Kūrāāj ko ilo Jetōb
Andrei eaar katak bwe eļan̄n̄e jejjab kōm̧m̧ane jerbal in kōjparok ilo jetōb iien otemjej; kajoor ko āinwōt inepata ak ankilaan ro m̧ōttad remaron̄ anjo ioon jum̧ae eo ad n̄an kapo. N̄e men jab in ej waļo̧k, ejjab to em̧ōkaj ad jejļo̧k jān iaļ eo ad, jejōbwābwe, im āliktata kajoor eo ad ilo jetōb.
Ejja āinwōt juon baļuun ilo an ejjeļo̧k an kajoor enaaj luuji jon̄an utiej eo an, n̄e jej jerawiwi, jej jerwane kajoor eo ilo jetōb im jon̄an utiej eo ad, kōttoļo̧k kōj make jān lan̄ im tōl ļo̧k ejjab to n̄an juon kūrāāj ilo jetōb.
Āinwōt an pidodo kōn Pinmuur eo an Rilo̧mo̧o̧r eo n̄an bar kōro̧o̧l ļo̧k kōj ippān doon bar juon alen ālkin ad kūrāāj, eļapļo̧k an em̧m̧an n̄an pedped ioon kajoor eo An n̄an jipan̄ kōj kajim̧we jorrāān eo n̄e ej dik wōt—m̧okta an kōm̧m̧an juon jorrāān ļapļap ilo jetōb.
Kauwōtata eo an Kejoon
Men̄e kejoon ilo jerbal in kōjparok ilo injiin ilo juon baļuun ejjamin kar deļo̧n̄ ilo ļōmņak eo an Andrei. Kejoon ejjab juon elmakot. “Ewōr kakien ko kōn men jab in,” ej ba. Bōtaab eļan̄n̄e e eaar kejoon ilo jerbal in kōjparok eo—juon wōt kōttan—ej kwaļo̧k bwe “bōlen ejjeļo̧k men enaaj kar waļo̧k.”
Bōlen jorrāān eo eļap tata ippān kejoon ejjab bwe baļuun eo enaaj m̧ōkaj an kūrāāj bōtaab bwe eban. “Eļan̄n̄e ejjeļo̧k jorrāān ej waļo̧k n̄e Ij kejoon rainin, Inaaj pidodo an kapopo n̄an kejoon ilju,” ej ba.
N̄e jerbal in kōjparok ej kejoon iien otemjej, kajoor ko im jorrāān ko kar kōjerbali ioon baļuun eo—ak ilo kōj—naaj kōm̧m̧ane juon men n̄an jorrāān ejjab tok ak tok ālik. “Āliktata jenaaj kūrāāj,” ej ba.
Ej en̄in etke Anij eaar letok n̄an kōj kakien ko kōn jerbal in kōjparok iien otemjej barāinwōt. “Kweilo̧k ippān doon [ilo m̧ōn jar eo] makijkij” (3 Nipai 18:22; aorōk eo kar kobaik). Jar iien otemjej (lale 3 Nipai 18:19). Etali jeje ko rekwojarjar ilo niknik (lale 3 Nipai 23:1–5). Kōm̧m̧an bwe wānōk en kainōknōk ļōmņak ko am̧ en jab bōjrak (Lale D&C 121:45; aorōk eo kar kobaik). Emakijkin etal n̄an tampeļ eo.1
Kōjparok kakien kein im kōm̧m̧ane jerbal in kejparok eo ilo jetōb emakijkij enaaj kajim̧we ad keļo̧k.
“Baļuun ej kōm̧m̧an n̄an an keļo̧k jān ioon laļ, n̄an ilo̧k jān laļ in,” Andrei ej ba. “En̄in ej ta eo Jemedwōj Ilan̄ ekōnaan n̄an kōj. Kōn jerbal in kōjparok emakijkij, jenaaj inem̧m̧an n̄an tōpar ijo jej kōņaan etal n̄an e—ro̧o̧l n̄an lan̄.”
Pija in juon baļuun jān iStockphoto © Christopher Pattberg; itanbwijmaron̄: Pija jān Adam C. Olson
Pija in juon pā jān Adam C. Olson; pija in juon clipboard jān John Luke