Kauta mai ki Vale na Lalai

Sa Vakarautaki Tu me Noda na Veivakalougatataki ni Matabete

E rawa ni o vakayagataka na lesoni kei na itaviqaravi oqo mo vulica kina eso tale na ka me baleta na ulutaga ni Lalai ena vula oqo.

A dua na nodrau taro o koya vata kei na nona vunivola o Oliver Cowdery, ena nona vakadewataka tiko na iVola i Momani o Josefa Simici. Rau a gole ena loma ni veikau ka lai masulaka. Ni rau masumasu tiko, “sa rairai vei keirau e dua na italai mai lomalagi, ka sa lako sobu mai ena o lumilumisa.” Na italai oqo o Jone na Dauveipapitaiso. A tabaka na uludrau o Josefa kei Oliver ka solia vei rau na Matabete iEroni. O Jone na Dauveipapitaiso a qai vakaroti Josefa kei Oliver me rau veipapitaisotaki vakairau. Ena dua na gauna lekaleka e muri, eratou a lako mai vuravura na iApositolo o Pita, Jemesa, kei Joni ka lesi Josefa kei Oliver ki na Matabete iMelikiseteki. Sa tiko tale e vuravura na matabete ni Kalou. (Raica na Josefa Simici—Ai Tukutuku 1:68–72.)

Mai na matabete e rawa meda ciqoma na veivakalougatataki qoroi kei na cakacakatabu vakalotu. Na veivakalougatataki oqori e oka kina na kena e soli kivei ira na gone sucuvou, kivei ira na tauvimate, kei ira na gone mai vei ira na tamadra se mai vei ira eso na vakaitutu kilikili ena matabete. E dodonu tale ga meda ciqoma eso na cakacakatabu vakalotu ni matabete meda lesu kivua na Tamada Vakalomalagi. Eso na cakacakatabu vakalotu oqo e oka kina na papitaiso mai na tabadromuci ena wai, ciqomi na isolisoli ni Yalo Tabu, kei na cakacakatabu vakalotu ni valetabu ni rawa me vauca na matavuvale me tawamudu. Ena valetabu tale ga, e rawa me vakayacori kina na cakacakatabu vakalotu me baleti ira na tamata era sa mate ka sega ni ra a vakalougatataki ena kosipeli. Sa vakarautaki tu me noda na veivakalougatataki ni matabete!

Sere kei na iVolanikalou

• Digitaka e dua na sere me baleta na matabete mai naSere ni Lalai

• Vunau kei na Veiyalayalati 84:35

O Iko Ga

Ena Mataniciva Talei, raica na Josefa Simici—iTukutuku1:68–73. Vakayagataka na veitikina oqori me vukea nomu vakalewena na vanua lala e ra. Ena dua tale na tiki ni pepa, vola kina na veika o vulica mai na nomu wilika na veitikina oqo.

1. “Na Matabete iEroni … ka solia vei kemudrau na kaukauwa kei na lewa ni , kei na kosipeli ni .”

2. me isevu me papitaiso.

3. papitaisotaki o Oliver Cowdery .

4. O Joni na Dauveipapitaiso a cakacaka ena ivakaro nei , , kei .

5. Pita, Jemesa, kei Joni eratou qai solia e muri na Matabete kivei Josefa kei Oliver.

iSau: 1. agilosi, veivutuni; 2. Oliver Cowdery; 3 Josefa Simici; 4. Pita, Jemesa, Joni; 5. Melikiseteki.

iTaviqaravi ni DNDNa Matabete e Vukei ira na Tamata

Na matabete sa ikoya na kaukauwa ni Kalou me veiqaravi ka vakalougataki ira na tamata mai na cakacakatabu vakalotu kei na veivakalougatataki. Ena iyaloyalo oqo, kauti iko yani ki na veika me raici.

O ira na lewe ni matabete era vakalougatataka ka veivotayaka na sakaramede. Gole voleka yani ki na idabedabe balavu, vakarau mo ciqoma na sakaramede.

Na veivakalougatataki ni matabete e rawa me vakayacori kivei ira na tauvimate. Gole yani ki na imocemoce, ka sega ni bula vinaka.

E rawa me vauci vata na matavuvale mai na cakacakatabu vakalotu ni valetabu. Vakagolei iratou yani na nomu matavuvale ena mata ni valetabu.

Na papitaiso kei na ciqomi ni isolisoli ni Yalo Tabu era cakacakatabu vakalotu ni matabete. Gole yani ka laki tucake tu ena mata ni tobu ni veipapitaisotaki.

iMawi: Na Vakalesuimai ni Matabete iMelikiseteki, mai vei Kenneth Riley © 1965 IRI; itabalailai: droini mai vei Phyllis Luch © 1988 IRI; Bless Them in His Name, mai vei Walter Rane © IRI; imatau: droini mai vei Rebecca Miller