Gonelalai
Na Veivosoti e Kauta mai na Bulamarau
Vakavulica o Peresitedi Utchdorf me da dauveivosoti vakamatavuvale. Raica na kena tara na nodra matavuvale o Ana kei Josefa na nodrau digidigi.
Erau a qito voli o Josefa kei Ana na tacina lailai. E a dreta vakasausa mai o Ana vei Josefa na nona iyaya ni vakatatalo. Na cava me cakava o Josefa?
E a cudruvi Ana o Josefa. E a tagi o Ana. E a vakadodonutaki Josefa o tinana ni a vakatagici Ana na tacina. E a rarawa o Josefa ni a digidigi cala.
E a vosoti Ana o Josefa ka kunea e dua tale na iyaya ni vakayatatalo me qitora. Erau mai qito vata yani ena mamarau. Marautaka o tinadrau ni sa lomavinaka o Josefa vei tacina lailai ka veimaliwai vinaka e vale. Marautaka o Josefa ni digitaka me veivosoti.
E muri e dodonu me rau vukei tinadrau o Josefa kei Ana me rau vakarautaka na ivakayakavi. Qai sega ni veivuke kina o Josefa. Cava me cakava kina o Ana?
E a vakatukutuku o Ana vei tinana. E a veibataka o Ana ni cakava taudua voli na cakacaka. Ena gauna ni vakayakavi eratou a rarawa kece baleta na veiba e caka tiko.
Vosoti Josefa o Ana ka vukea na vakarautaki ni ivakayakavi. E a vakavinavinakataki Ana o tinadrau ena nona veivuke. Era marautaka na matavuvale ni ra dabe vata ena gauna ni vakayakavi. Vakila o Anna na vinaka ni nona veivosoti.
E vakaevei na revurevu ni nomu digidigi kina bulamarau ni nomu matavuvale?
Yaloyalo ivakaraitaki mai vei Casey Nelson