Vakaruataki na Veivakalougatataki
Sotavi Sophie kei Elodie A. e Antananarivo, Madagascar.
E rau tiko e Madagascar na drua yalewa yabaki tini o Sophie kei Elodie. Oqori e dua na yanuyanu levu ena baravi kei Aferika. E dua tiko na italanoa dina ka taleitaki ni nodratou matavuvale. “A kila o tamaqu, ni dina na Lotu, ena imatai ga ni gauna a sota vata kina kei rau na daukaulotu,” a kaya o Elodie. “A dua na curuvou ka a saumaki saraga ena gauna vata ga oya.” Ena vica na vula e muri a qai papitaiso o tinadrau.
Ni bera nodrau sucu na goneyalewa, e rau a lolo ka masumasu nodrau itubutubu me rawa ni dua nodrau goneyalewa. “Ia mai na kena dodonu me dua ga na goneyalewa, a rua na nei Nau,” kaya o Sophie.
Mai na gauna o ya sa vakaruataki na veivakalougatataki!