iTabagone
Masu kei na Vakacegu
Dua na yakavi keirau a veiba kei tinaqu kau yaloca sara ga kina. Au sa qai nanuma meu sa na masulaka mada. Dina ga niu a yalo ca tu, kau sega ni vaka meu “via masu,” au kila ni masu ena vakacegui au ka na sega vei au na yalo ni via veiba. Ni curu ga i tuba o tinaqu au sasaga sara meu sa masu. “Tamaqu Vakalomalagi, au masu vei Kemuni nikua baleta …” Sega. Au rai cake ka sereka na ligaqu, ni vaka me rogo malewa. Au tovolea tale. “Tamaqu Vakalomalagi, au gadreva …” E rogo malewa talega na kena o ya. Au vakila ni saga tiko o Setani meu kua ni masu ka kere veivuke vei Tamada Vakalomalagi.
Vakasauri na noqu vakila ni dodonu meu a kaya na vinaka! Au a qai cakava vakakina, ka sa qai tasoro mai na veivakasama ni veika meu vakavinavinakataka kina na Tamaqu Vakalomalagi. Niu sa vakavinavinaka oti Vua, au sa qai veivosakitaka tale na leqa e tiko.
E muri au vakila e dua na yalovakacegu, na veika au vakila e yaloqu sa iko ni Tamada Vakalomalagi kei rau o noqu itubutubu eratou lomani au taucoko sara kau sa luve dina ni Kalou. Au a qai laki kere veivosoti vei tinaqu ka ciqoma talega na nona kere veivosoti mai o koya.