Kivei Amiga
Bula mai Mexico! Au taleitaka niu ciqoma na nomu ivola ka rogoca ni sa roro mai na nomu siganisucu. E vaka vei au ni vaka mo rere vakalailai ni o sa vakarau biuta na Lalai. E rawa niu tukuna mada vei iko na gauna au sa toso ki na ki na Goneyalewa?
Au a lomaleqataka talega na noqu sa vakarau biuta na Lalai. Au a leqataka de sega na noqu itokani. Au a rerevaka niu na dua vei ira na goneyalewa gone duadua ka sa sega ni dua vei ira na qase duadua.
Ia a yaco me sega ni dua na leqa. A vakatarogi au na bisopi ni bera noqu siganisucu ka tukuna ni na dua na ka vinaka na veisau. Ena Sigatabu, au se madua voli ga kau mani tiko ga ena rumu ni Lalai. Kalougata, ni qai raici au e kea e dua na veiliutaki ni Goneyalewa. Qai kaya, “Au kila niu na raici iko eke! Lako mai, sa gauna ni kalasi.”
A kidavaki au o Sisita Diaz ena gauna ni idola ni kalasi, ka solia vei au o koya e tolu na ivola sa yaco meu taleitaka sara ena gauna oqo: Me iSakisaki ni iTabagone, Torocake Yadudua ni Goneyalewa, kei na dua na ivolaniveisiga. Niu veiraiyaki ena rumu, au kila niu kilai ira eso na goneyalewa e kea mai na Lalai. Eso na goneyalewa au sega ni kila era vakabula mai vei au. Sega ni dede au sa vakacegu ka sega na rere.
A vinaka cake tikoga na veika kece mai na gauna oya. E taleitaki vei au na itaviqaravi ni muavata baleta ni ra vakavulica vei au na ivakarau ni kena bulataki na kosipeli kei na sala meu vukea kina na noqu matavuvale kei ira na noqu itokani. Ka dau taleitaki vakalevu vei au na keba ena veiyabaki! Oqo niu sa tiko ena iSakisaki, au nuitaka meu na vakacavara ena dua na gauna ga oqo na Torocake Yadudua. Au sa sega ni rawa ni waraka meu daramaka na metali ni Goneyalewa me vakananuma vei au na noqu sa voleka cake tikoga yani vei Tamada Vakalomalagi ena loma ni veiyabaki sa oti.
Kakua ni lomaleqa noqu itau. Tevuka na tabamu mo vuka yani ki na Goneyalewa. Au yalataka ni o na sega ni veivutunitaka.
Loloma,
Maribel
iVakaraitaki mai vei Brad Clark