Ko Hono ʻOmi ʻo e Palaimelí ki ʻApí

ʻOku ʻAtā ki he Tokotaha Kotoa Pē ʻa e Ngaahi Tāpuaki ʻo e Lakanga Fakataulaʻeikí

ʻE lava ke ke fakaʻaongaʻi e lēsoni mo e ʻekitivitī ko ʻení ke ako lahi ange ai ki he kaveinga ʻa e Palaimelí ki he māhina ní.

ʻI he taimi naʻe liliu ai ʻe Siosefa Sāmita ʻa e Tohi ʻa Molomoná, naʻe ʻi ai haʻane fehuʻi mo ʻene tangata tohi ko ʻŌliva Kautelé. Naʻá na ō ki he vao ʻakaú ke lotua. Lolotonga ʻena lotú, “naʻe ʻalu hifo ha talafekau mei he langí ʻi ha ʻao ʻo e maama.” Ko e talafekau ko ʻení ko Sione Papitaiso. Naʻá ne hilifaki hono nimá ʻi he ʻulu ʻo Siosefa mo ʻŌlivá pea foaki ange kiate kinaua ʻa e Lakaga Taulaʻeiki Faka-ʻĒloné. Naʻe fekau ʻe Sione Papitaiso ʻa Siosefa mo ʻŌliva ke na fepapitaisoʻaki. Hili ha taimi nounou mei ai, ne omi ʻa e ʻAposetolo ko Pita, Sēmisi mo Sioné ki māmani ʻo fakanofo ʻa Siosefa mo ʻŌliva ki he Lakanga Taulaʻeiki Faka-Melekisētekí. Kuo toe ʻi he māmaní ʻa e lakanga fakataulaʻeiki ʻo e ʻOtuá. (Vakai, Siosefa Sāmita—Hisitōliá 1:68–72.)

ʻE lava ke tau maʻu ha ngaahi tāpuaki mo ha ngaahi ouau fakaʻofoʻofa tuʻunga he lakanga fakataulaʻeikí. ʻOku kau he ngaahi tāpuaki peheé ʻa e ngaahi tāpuaki ʻoku foaki ki he ngaahi pēpē foʻoú, kau mahakí, pea ki he fānaú ʻe heʻenau tamaí pe ko ha taha maʻu lakanga fakataulaʻeiki moʻui taau kehe. Kuo pau foki ke tau maʻu ha ngaahi ouau lakanga fakataulaʻeiki pau ke tau toe foki ai ki he Tamai Hēvaní. ʻOku kau ʻi he ngaahi ouau ʻe niʻihi ko ʻení ʻa e papitaiso ʻi he fakaukú, maʻu ʻo e meʻafoaki ʻo e Laumālie Māʻoniʻoní, mo e ngaahi ouau fakatemipale toputapu te nau lava ʻo silaʻi fakataha ʻa e ngaahi fāmilí ke taʻe ngatá. ʻOku fakahoko foki he temipalé ʻa e ngaahi ouau maʻá e kakai kuo nau pekia ka naʻe ʻikai ke nau maʻu ʻa e ngaahi tāpuaki ʻo e ongoongoleleí. ʻOku ʻAtā ki he Tokotaha Kotoa Pē ʻa e Ngaahi Tāpuaki ʻo e Lakanga Fakataulaʻeikí!

Hivá mo e Folofolá

• Fili ha hiva kau ki he lakanga fakataulaʻeikí mei he Tohi Hiva ʻa e Fānaú

• Tokāteline mo e Ngaahi Fuakava 84:35

Ko Koe Pē

ʻI he Mataʻitofe Mahuʻingá, vakai ki he Siosefa Sāmita—Hisitōlia 1:68–73. Fakaʻaongaʻi e ngaahi veesi ko iá ke tokoni atu ke ke fakafonu e ngaahi lea ʻoku puliá. Hiki ha ngaahi meʻa kehe ʻokú ke ako mei hono lau e ngaahi veesi ko ʻení ʻi ha laʻipepa kehe.

1. “Ko e Lakanga Taulaʻeiki Faka-ʻĒloné … ʻokú ne maʻu ʻa e ngaahi kī ʻo e tauhi mai ʻa e , pea mo e ongoongolelei ʻo e .”

2. naʻe ʻuluaki papitaisó.

3. Naʻe papitaiso ʻe ʻŌliva Kautele ʻa .

4. Naʻe ngāue ʻa Sione Papitaiso ʻo fakatatau ki he tuʻutuʻuni ʻa , pea mo .

5. Naʻe foaki kimui ange ʻe Pita, Sēmisi mo Sione ʻa e Lakanga Fakataulaʻeikí kia Siosefa mo ʻŌliva.

Ngaahi talí: 1. kau ʻāngeló, fakatomalá; 2.ʻŌliva Kautele; 3. Siosefa Sāmita; 4. Pita, Sēmisi, Sione; 5. Melekisēteki.

ʻEkitivitī FKT: ʻOku Tokoniʻi ʻa e Kakaí ʻe he Lakanga Fakataulaʻeikí

Ko e lakanga fakataulaʻeikí ko e mālohi ia ʻo e ʻOtuá ke ngāue mo tāpuekina e kakaí ʻo fakafou he ngaahi ouaú mo e ngaahi tāpuakí. Tā hō ʻīmisí ʻi loto ʻi he ngaahi fakatātā ko ʻení.

ʻOku tāpuakiʻi mo tufa ʻa e sākalamēnití ʻe he kau maʻu Lakanga Fakataulaʻeikí. Tā fakatātaaʻi koe ʻi he seá, ʻokú ke teuteu ke maʻu e sākalamēnití.

ʻE lava ke faingāue ʻa e lakanga fakataulaʻeikí ki he kau mahakí. Tā fakatātaaʻi koe ʻokú ke tokoto ʻi he mohengá, ʻoku ʻikai ke ke ongoʻi sai.

ʻE lava ke silaʻi fakataha e fāmilí o fakafou ʻi he ngaahi ouau fakatemipalé. Tā fakatātaaʻi ho fāmilí ʻi muʻa he temipalé.

Ko e papitaisó mo hono maʻu ʻo e meʻafoaki ʻo e Laumālie Māʻoniʻoní ko e ongo ouau ia ʻo e lakanga fakataulaʻeikí. Tā fakatātaaʻi koe ʻi muʻa ʻi he vai papí.

Toʻohemá: Ko Hono Toe Fakafoki Mai ʻo e Lakanga Taulaʻeiki Faka-Melekisētekí, tā ʻe Kenneth Riley © 1965 IRI; ʻi lotó: tā fakatātaaʻi ʻe Phyllis Luch © 1988 IRI; Tāpuakiʻi Kinautolu ʻi Hono Huafá, tā ʻe Walter Rane © IRI; toʻomataʻú: ngaahi tā fakatātaá fai ʻe Rebecca Miller