Faaluaina ia Faamanuiaga
Feiloai ma Sofi ma Eloti o Antananarivo, Matakasa.
O le masaga teine e tai sefulu-tausaga o Sofi ma Eloti e nonofo i Matakasa. O se motu tele faasēsē ese mai le talafatai o Aferika. E i ai se tala moni e fiafia i ai lo latou aiga. “O le taimi muamua na feiloai ai lou tama ma faifeautalai, na ia iloa ai e moni le Ekalesia,” o le tala lea a Eloti. “O ia o se tagata talitonu vave.” Na papatiso lo la tina i nai masina mulimuli ane.
Ae lei fananau mai teineiti, na anapogi ma tatalo o la matua ia mafai ona maua se la teine. “Ma nai lo le tasi le teine, na maua e Mama le lua,” le tala lea a Sofi.
Na faaluaina faamanuiaga talu mai lava lena taimi!
Na faaputuputu e le aiga o Sofi ma Eloti tupe mo le tolu tausaga ia malaga ai i le malumalu i Johannesburg i Aferika i Saute ina ia faamauina faatasi. E manaomia lo latou malaga i le sili atu ma le 1,300 maila (2,100 km) ma sopoia atu le Sami Initia ia oo ai iina.
E i ai se falemai a le tina o teineiti i talaane o lo latou fale. La te fesoasoani e salu ma faatumauina le mama.
I le fu’a a Matakasa, o le paepae o le mama lea, mumu e sui mo le tutoatasi, ma le lanuvao o le faamoemoe lea.
E lua pusi a Sofi ma Eloti, ma e fiafia tele e fusi mai na pusi.
O manu o le manuki ma le pilioua e maua i Matakasa.
Ata na pueina o le aiga e Richard M. Romney; isi ata na pueina e Craig Dimond © IRI; iStockphoto.com/GlobalP; iStockphoto.com/Lipowski