Autalavou
Tatalo ma le Filemu
Sa ma tauupu ma lou tina i se tasi po ma sa ou matua faanoanoa lava. O lea sa ou filifili ai loa o le a ou tatalo. E ui lava sa ou le fiafia ma ou te lei fia manao e avea au ma se tagata “faaleagaga,” ae sa ou iloa o le tatalo o le a fesoasoani ia te au ina ia ou lagonaina le fiafia ma le le toe fia misa. Ina ua aluese lou tina mai le potu, sa amata lau tatalo. “Le Tama Faalelagi Pele, ua ou alu atu i Lau Afio i lenei po ona …” Leai. Sa pupula ou mata ma tatala ou lima; e le manaia na upu. Sa ou toe taumafai. “Tama Faalelagi, ou te manaomia Oe …” Sa le manaia foi na upu. Sa ou lagona le uunaia o au e Satani e aua ou te tatalo e talosagaina ai le fesoasoani a le Tama Faalelagi.
Sa faafuasei lava ona ou maua se musumusuga ou te fai atu ai faafetai! Ma o lea sa ou faia, ma sa amata ona tafe mai manatu mai lou mafaufau i le tele o mea e mafai ona ou faafetaia ai le Tama o i le Lagi. Ina ua uma ona ou faafetai atu ia te Ia, sa ou talanoa loa i faafitauli o loo i ai.
Sa ou faalogoina mulimuli ane se lagona filemu matagofie i totonu o au, o se lagona mafanafana faaleagaga ua ou iloa ai e alofa lo tatou Tama Faalelagi faapea foi ma ou matua ia te au ma o au o se afafine o le Atua. Sa mafai ona ou faatoese i lou tina ma sa taliaina e ia lau faatoesega.