FAIGA O LAEI mo se Siva
Illustration by Scott Greer
Na faaosoosoina au e mulimuli i le toatele, peitai na oo ina ou iloaina e manaomia ona avea au ma faataitaiga.
Ao avea au ma se talavou laitiiti, na faigata i nisi taimi le ola i le talalelei. O le nofoaga na ou nofo ai e le toatele ni tagata o le Ekalesia, ma o au uo le lolotu na sili ai ona faigata i nisi taimi ia te au ona tumau i le ala sao.
“Ofu lea; e fetaui lelei ma le lanu o ou mata,” na fai mai ai se tasi o au uo a o lei faia le siva. Na ia uuina i luga se ofu na ia tuuina mai ou te faaaogaina, ae e leai ni lima. Na ou filifili e fai le ofu faatasi ma se taoofu.
Ina ua ou taunuu i le siva, e leai se isi na ofuina se ofu e i ai ni lima, ma na ou lagonaina lo’u tumatilatila. Ina ua amata ona ou vevela tele, na fai mai a’u uo e na ona aveese lava o le taoofu ona sili atu lea ona ou aulelei.
O le taimi lava na ou tago atu ai o le a aveese le taoofu, na ou manatua ai lou faamanuiaga faapeteriaka. Na tau mai e lou faamanuiaga ia te au o le a tele ou faaosoosoga ma afai ou te pau, e tele tagata o le a mulimuli mai ia te au. O iina na ou iloaina ai na manaomia lou tumau i le ala sao—e le gata mo au lava ia ae mo isi foi o loo vaai mai i luga ia te au. Na ou filifili e fai pea le taoofu.
O nisi taimi e ulagia au mo le le faia o mea o loo fai e tagata uma lava, ae na tumau lou malosi ma na faamanuiaina ona o lena mea. Na ou iloa mulimuli ane e toatele tagata na vaai mai i luga ia te au. O nisi o au uo na iu ina fai mai ia te au na latou faaaloalo ia te au mo le mulimuli i o’u tulaga faatonuina. Na latou faatoese mai mo le faatiga mai ia te au mo le le faia o mea na faia e tagata uma lava i le aoga maualuga.
Ona sa ou mulimuli i tulaga faatonuina o le Ekalesia ma taumafai e fai ma faataitaiga, na mafai ai ona ou maua ni aafiaga faafaifeautalai ma aoao atu le talalelei i isi. Semanu ou te le mafai ona faatosina mai isi pe ana ou le tumau i le ala sao.