Tamaiti

O Le Faamagaloga e Aumai ai le Fiafia

Sa aoao mai Peresitene Uchtdorf e tatau ona tatou faamagalo i tagata o o tatou aiga. Vaai pe na faapefea ona aafia le aiga o Iosefa ma Ana i a la’ua filifiliga.

Sa taaalo faatasi ia Iosefa ma lona tuafafine laitiiti o Ana. Sa sei ese e Ana le meataalo a Iosefa mai ia te ia. O le a se mea e tatau ona fai e Iosefa?

Sa ita Iosefa ia Ana. Na tagi Ana. Sa a’oa’i Iosefa e lona tina i lo la tauaimisa ma lona tuafafine. Na faanoanoa Iosefa i lona faia o se filifiliga le lelei.

Sa faamagalo e Iosefa ia Ana ma maua se isi meataalo e taalo ai. Sa la taaalo faatasi ma le fiafia. Sa fiafia lo la tina ona ua alofa Iosefa i lona tuafafine ma tausi le filemu i totonu o le aiga. Na lagona e Iosefa le fiafia ona ua ia filifili e faamagalo.

Mulimuli ane, sa manaomia Iosefa ma Ana la te fesoasoani i lo la tina e saunia le meaai o le afiafi. E le’i fesoasoani Iosefa. O le a se mea e tatau ona fai e Ana?

Sa tomumu Ana i lona tina. E lei malie Ana i lona faia na o ia o feau. E oo atu i le taimi e aai ai i le afiafi ua faanoanoa tagata uma ona o le fe’aina’i.

Sa faamagalo e Ana ia Iosefa ma fesoasoani i le meaai o le afiafi. Sa faafetai lo la tina ia Ana mo lana fesoasoani. E fiafia le aiga e faatasi i le taimi o le meaai i le afiafi. Sa lelei lagona o Ana i lona filifili e faamagalo atu.

E faapefea ona aafia le fiafia o lou aiga ona o au filifiliga e faamagalo atu?

Ata na tusia e Casey Nelson