Liunga Ua e Ngaahi Tāpuakí
Feʻiloaki mo Sōfī mo ʻElaite A. ʻo ʻAnatananalivo, Matakasikaá.
ʻOku nofo e ongo māhanga fefine taʻu hongofulu ko Sōfī mo ʻElaité ʻi Matakasikā. Ko ha motu lahi ia ʻi he matāfanga ʻo ʻAfiliká. ʻOku ʻi ai ha talanoa moʻoni ʻoku saiʻia ai hona fāmilí. ʻOku pehē ʻe ʻElaite, “Ne ʻiloʻi ʻe heʻeku tamaí ʻoku moʻoni ʻa e Siasí ʻi heʻene fuofua feʻiloaki pē mo e ongo faifekaú. Ne fakaului ia he taimi pē ko iá.” Ne papitaiso ʻena faʻeé hili pē ha ngaahi māhina siʻi.
Kimuʻa pea fāʻeleʻi e ongo tamaiki fefiné, ne ʻaukai mo lotu ʻena ongomātuʻá ke ʻi ai haʻana taʻahine. ʻOku pehē ʻe Sōfī, “Pea ʻikai ko ha taʻahine pē ʻe taha, he ne fāʻeleʻi ʻe he fineʻeikí ha toko ua.”
Talu mei ai mo e liunga ua e ngaahi tāpuakí maʻu ai pē!
Ne tānaki ʻe he fāmili ʻo Sōfī mo ʻElaité ʻi ha taʻu ʻe tolu ha paʻanga ke nau ō ki he Temipale Sohānisipeeki Saute ʻAfiliká ke silaʻi kinautolu. Ne nau fononga ʻi ha maile ʻe 1,300 miles (2,100 km) tupu pea kolosi atu he Tahi ʻInitiá ke aʻu ki ai.
ʻOku ʻi ai ha kilīniki fakafaitoʻo ʻa e fineʻeikí ʻoku ofi ki honau ʻapí. ʻOkú na tokoni ʻi hono tafi mo tauhi ia ke maʻá.
ʻOku fakafofongaʻi ʻe he lanu hinehina ko ia ʻi he fuka ʻa Matakasikaá ʻa e haohaoá, fakafofongaʻi ʻe he kulokulá ʻa e tauʻatāiná pea fakafofongaʻi ʻe he lanumatá ʻa e ʻamanaki leleí.
ʻOku ʻi ai ha ongo pusi ʻa Sofi mo ʻElaite, pea ʻokú na saiʻia ke fuofua kinaua.
Ko e faʻahinga ʻo e ngelí ko e Limá mo e fōkaí ʻa e ongo monumanu ʻoku maʻu ʻi Matakasikā.
Faitaaʻi ʻo e fāmilí ʻe Richard M. Romney; ngaahi tā kehé fai ʻe Craig Dimond © IRI; iStockphoto.com/GlobalP; iStockphoto.com/Lipowski