Faafeiloai Atu i se Vaitau Fou o le Olaga
Pe o e nofo i se eria e sui lanu o laau e saunia ai mo le taumalulu E nonofo ai nei uo e toafa O Noa B., Dylan L., Patrick M., ma Peni M. e nonofo uma lava i le Motu o Prince Edward i le itu i sasae o Kanata. E pei lava o laau, o nei alii ua saunia mo se taimi fou o le olaga. E taufai 12 uma lava o latou tausaga, ma o lona uiga o le faatofa atu lea i le Peraimeri ae faatalofa atu i Alii Talavou. O la latou tala lenei e uiga i le tuputupu ae ma agai i luma.
Ia e Tumau
Ina ua malaga mai Noa iinei, na fesoasoani ana uo ia te ia e faamasani i le olaga i le motu. O le taimi nei, ona o ia e matua i le vaega, ua ia fesoasoani ia i latou e faamasani i le olaga i Alii Talavou. “Na ou popole i le taliaina o au ma le tau faamasani i isi,” le tala a Noa e uiga i le amataga i Alii Talavou. “O le alu i gaoioiga na matua fesoasoani tele.” O le pese Peraimeri e sili ona fiafia i ai Noa e faatatau i le autau a Helamana, ma e faapena lana vaai i le korama a perisitua—i le galulue faatasi, ma lotogasi.
Lana fautuaga? “Ia e tumau.”
Faaaloalo i le Perisitua
Mo Patrick, o le mauaina o le perisitua e le o le aulia o se tausaga patino. Ae o le agavaa ma le saunia. “E te le mauaina le perisitua ona ua 12 ou tausaga,” o le tala lea a Patrick. “E tatau ona e saunia.”
E malamalama Dylan i le taua o le saunia. E taumafai o ia ia taunuu i le lotu toe 15 minute amata ina ia saunia faaleagaga e tufa le faamanatuga. “Ua ou tufaina le faamanatuga faatolu po o le faafa, ma o taimi uma lava e pai mai ai le Agaga i lou loto. Ou te manatu o le a ou le masani ai lava,” o lana tala lea.
Fai mai Peni o le tufaina o le faamanatuga e faamanatu atu ai ia te ia le Talisuaga Mulimuli. “Sa tu ai iina Iesu. Ua tatou tutu i le mea na i ai Iesu, ma e finagalo o Ia ia tatou i ai iina.”
Vaai atu i le Malumalu
O loo galue Peni ia maua lona Taui i le Faatuatua i le Atua ma o loo tulimatai atu i le faia o papatisoga mo e ua maliliu mo le taimi muamua. “Ou te lei oo lava i totonu o le malumalu, ae masani ona tuuina mai molimau a isi tagata e uiga i le matagofie ma le manaia o le lagona latou te maua pe a latou foi mai,” o le tala lea a Peni.
Na alu talu ai nei Noa mo le taimi muamua i le malumalu. Fai mai na fai o ia e alii talavou i lana korama e pei o se aiga. “Atonu e te lagona le fefe, ae o le a i ai tagata iina e fesoasoani ia te oe,” o lana tala lea. “O le a e lagonaina le taliaina o oe.”
Noa
Dylan
Patrick
Peni
Ata na pueina e Marissa Widdison