Ni Karokoa Ae Ti A Manga Kaitiboaki
Bwaai aika Tamaroa a Teimatoa n Roko
N aron temanna ae rawawata n aron te bitaki ae karina n roko man taai aika nako, I rangi ni kakaaitau n te kauring bwa n na ti kukurei n te tai aei ao n tarai taai aika a na roko.
Bon tairikin te Kanimabong n aron ake tabeua. Raoraou aika I rangi ni kaan ma ngaia ao Ngai ti uaia n tekateka n au ruu imwiin matakura n te tamnei, ni uaia ni karaurau ni manikangare ao imwiina ti ngare n takarua. Namakinan te kukurei e korakora, ao I aki kona ni katoka ngareu ngkai taian ngarengare ao karaki a taona nako te ruu. Tabeman aomata aika I a tia ni kaitibo ma ngaia ai tibwa tabeua te namwakaina n nako; tabeman I a tia ni kinaia inanon 25 te ririki ni maiu.
N te tai teuana Ngai ma raoraou temanna ngkoa ti tibwauai ara ururing ibukiia tabeman raoraora n te reirei tabeua te ririki n nako. Ngke ti taetae, I iangoa aron ururingakiia raoraou aikai, aekan ara mamanikangare, ao aron ara reitaki ae rangin ni kaan. Ngkai a tia n reke ara beeba ao n nakon taabo aika kakaokoro n te aonaaba, ni kaitaraaki ma aeka ni kangaanga aika ti aki kantaningai. E tinako angiu ma te nako n nano, ngkanne I taratara nako inanon te ruu n tarai maata aika ngarengare ni katobibiai n te tai anne ao n rootaki n te iango ae karina: bwaai aika raraoi a teimatoa n roroko.
Te iangoa ae bebete anne e bon rangin n nano ibukiu, riki ngkai I a tia n tainako ni kaitaraki ma te kangaanga n te bitaki ao I rawa ni kanakoi bwaai aika tamaroa. I mwaninga taekan te tai ae a tia n nako e ngae ngkai bon kanoan te tai aei, korakai ni kukurei ni kanoan taai aikai ae I korakai ao ni kataia ni maiuakinna. I ataia ngkana I karekea te bwai ae tamaroa, ao I tangiria n taua ao n aki kariaia bwa e na nako, te Kanimabong aei ae taningaroti ao ni kakukurei bon teuana mai ibuakon taai aika tamaroa aikanne. N tainako ngkana I namakina aron tamaroan bwaai, I moanna n iangoia bwa a kanga bwaai ni kabane ni karaoaki, bwa ane e na bua n tokin te tai ke n te kangaanga.
Ma te tairiki aei te nanokawaki inanoa e aki roko. N tekateka n aki kakarongoa, ni katobibiaki irouia aomata aika I tangiria, I ataia bwa e ngae ngke bwaai aika tamaroa ana bon roko naba n tokiia ao bwa a na riki n akea te nanououa bwaai aika matoatoa n taai aika a na roko, bwaai aika a tamaroa ana teimatoa n rooroko. Ao bwaai aika tamaroa ana teimatoa—ti ngkana I kariaia. Riki nakoia aika I tangiria ana waaki nako, katokaia ana kanoaki ma aomata aika boou ao ni kamimi ao atatai aika a kangaanga aron iangoaia.
N tabetai e kangaanga te waaki nako, ma ti riai. Ao te waaki nako, tiaki nanona bwa ti na mwaninga te iraorao, ke ni kamaunai ururing ma te matoatoa. Nanona bwa ti na kauki nanora nakon te kukurei ao te atatai ae bati riki.
Tabeua te wiiki imwiin te Kanimabong anne, te beretitentii n te kairake n ikawai n au mwaanga e kamotirawaaki. N aron temanna man te mwaanga ae uarereke e kona ni kakoaua, e boni kangaanga n iangoa te bwai ae na riki n akean onimakinaia mwaane aikai ma buuia n ara mwaanga, ake ti a tia n rikirake n tangiriia ao n onimakiniia. Ma I kaini matau ao ni kaokiokia nakoiu taeka ake a tia n anaa nanou n te Kanimabong anne: bwaai aika tamaroa a teimatoa n rooroko. E karauaki nanou ao n tauraoi nakon te bitaki.
Te bitaki bon ana kawai te Uea. E tangiriira bwa ti na kukurei ao n rikirake, ni kukurei ni waaki nako ma maiura. Te maiu bon te mwananga, ao ngkai ti teimatoa ni kukurei ni bwaai ngkai ao ni katauraoira ibukin kakaewenako aika kantaningaaki, ti riai ni waaki nako, n tiku n onimaki, nanora a waaki nakon atatai ao bwaai aika tamaroa ake iaon kawaia n akea te nanououa iai.
Kamatataki n te Korobanna iroun Matthew Reier