Ataei

Te Kabwarabure e uota te Kakukurei

E reirei Beretitenti Uchtdorf bwa ti riai ni kabwarai aia bure kain ara utu. Taara aron ana rinerine Iotebwa ao Anna n rota aia utu.

Iotebwa ao mwanena ae uarereke, Anna, a uaia n takakaro. Anna e anaa ana bwai n takakaro Iotebwa mairouna. Tera ae riai ni karaoia Iotebwa?

Iotebwa e un iroun Anna. E tang Anna. Tinan Iotebwa e katuaea ngkai e un nakon mwanena. Iotebwa e nanokawaki ngkai e karaoa te rinerine ae aki tau.

Iotebwa e kabwara ana bure Anna ao e kakaea ana bwai n takakaro teuana. A kaai n takakaro ma te kukurei. E kukurei tinaia bwa Iotebwa e karaoa ae tamaroa nakon mwanena ao ni kawakina te rau n te utu. Iotebwa e namakina te kukurei ibukin rinean te kabwarabure.

Imwiina, Iotebwa ao Anna a tangiria ni buoka tinaia ni katauraoa te katairiki. Iotebwa e aki ibuobuoki. Tera ae riai ni karaoia Anna?

Anna e ngurengure nakon tinana. Anna e kauntaeka ngkai e karaoa te mwakuri n ti ngaia. N tain te katairiki aki kukurei ni kabane ibukin te kauntaeka.

Anna e kabwara ana bure Iotebwa ao e buoka te katairiki. Tinaia e nang karabwarabwa ibukin ana ibuobuoki Anna. Te utu a kukurei n amwarake ni kabane. Anna e namakina ae tamaroa bwa e rinea te kabwarabure.

E kanga am rinerine ni kabwarabure n rota kukurein am utu?

Kamataata iroun Casey Nelson