Te Rongorongo Ni Kakawari n Reirei
Karinean Ara Berita aika A Tabu
Tataro mwaaka ni kamatebwaia te bwai n reirei aei, n ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakawaki.
Onimaki, Utu, Buoka
Te kakawari n reirei bon kabwarabwaraara ngaira taan iriria ao te kawai ni kaota karinean ara berita aika a tabu ngkai ti beku ao ni kamatoa temanna ma temanna. Te berita ae tabu e kateimatoa te reitaki imarenan te Atua ma natina. “Ngkana ti ataia bwa ngaira natii ni berita, ti ataia bwa antai ngaira ao tera ae kantaningaia te Atua mai iroura,” e kaeka Unimwaane Russell M. Nelson man aia koorom Abotoro n teTengaun ma Uoman “Ana tua a bane ni koreaki inanora. Ngaia bon Atuara ao ngaira Natina.”1
Ngkai ngaira taan kakawari n reirei ti kona ni kakorakoraia naake ti kawaria bwa a na kawakin aia berita aika a tabu. Man karaoan aei, ti buokia ni katauraoia nakon karekean kakabwaia ake akea tokia. “Ni kabane taari aine n te Ekaretia ake a karaoi berita ma te Uea iai kariaiakaia mai karawa ni kamaiuaia tamnei, ni kairia aine n te aonaaba, ni kamatoan mweengan Tion, ao ni kataea uean te Atua”2 e taku Unimwaane M. Russell Ballard man aia Koroom Abotoro ake tengaun ma Uoman.
Ngkai ti karaoi ao man kawakin berita aika tabu, ti riki ngaira bwa ana tabonibwai te Uea. Ti kona ni karikirakea ara onimaki ao ni kamatoa ara onimaki n tatabemanira nako iroun Tamara are i Karawa ao Iesu Kristo.
Man Koroboki aika a tabu
1 Nibwaai 14:14; Motiaea 5:5–7; 18:8–13; Doctrine ao Covenants 42:78; 84:106
Man Ara Rongorongo ni Kawai
Te tembora bon te tabo ni karabwarabwa ibukiia aomata aika a itiaki,” te Uea e kaokia nakon te Burabeti Iotebwa n te 1833. Bon te “tabo n reirei nakoia te koraki ake a weteaki nakon kabutan aia mwakuri nako ao aobitina nako, n te aro bwa a na karokoraoaki n aia atatai n aia mwakuri, n te rabwakau, taian reirei, ao tua, ni bwaai ni kabane ake a kaineti ma uean te Atua iaon te aba (taraa D&C 97:13–14).
Tari aine n te Botaaki n Aine i Nauvoo, Illinois, n te 1840 a ibuobuoki imarenaia ni katauraoia ibukin karekean otenanti n te tembora. N te otenanti n nakoanibonga ae rietata a karekea Aomata aika Itiaki n te Nauvoo Tembora, te mwaka n atua [e] kaokaki (taraa D&C 84:20). “Ngkai a teimato ni kawakin aia berita Aomata aika Itiaki, te mwaka aei e kakorakoraki ao e kamatoaia rinanon aia kangaanga ni bong ma ririki aika imwaaia.”3
N te Ekaretia n taai aikai, aine aika a kakakonimaki ao mwaane ni kabuta te aonaaba a beku n te tembora ao n reitinako ni kakaea te korakora iaon kakabwaia are a kona ni karekea n tii man rinanon berita man te tembora.
Nauvoo Illinois Tembora, iroun Scott Goodwin