Uringaki Maiu aika a Kakannato

Dan Jones (1810–62)

E raka iaon te mirion mitinare ake a weteaki n tain moan kateakin te Ekaretia, ma Dan Jones e rianako riki nakon teuana te mirion. Man te Welsh mitinare, Beretitenti Gordon B. Hinckley (1910–2008) e taekinna, “N taraakin te mwaiti ake a tia n rairaki, ao e a tia ni ikotaki iai iteran ake a rairaki ke kakoauaki rianakon ana beku iai Dan Jones n rongorongon te Ekaretia ngkoa”¹

Imwaain are e mitinare, Dan e mwananga mai Wales nakon te United States ao man mwakuri iaon te Mississippi River bwa te kaben n te booti ae buti man te kabuebue ae aranaki bwa te Maid mai Iowa, are e uotiia mwaitia Aomata aika Itiaki nako Nauvoo, Illinois. E kaina te Ekaretia n te 1843 ao e riki bwa raoraon te Burabeti ae Iotebwa Timiti ae rangin kina.

Ana mwakuri ni mitinare Dan e kakoroa ana kabanea n taetae ni burabeti Iotebwa Timiti are e koreaki. Te tairiki imwain tiringan te Burabeti Iotebwa Timiti, e ongo rebwen kaati itinanikun winton te umwa ni kaikain ae te Carthage Jail, ngaia are e a rineia bwa e na wene iaon te timanti. Irarikina bon Dan Jones. E titiraki te Burabeti nakon Dan ngkana e maaka te mate. E kaeka, “E na roko te tai anne, n am iango? Ni kabaeaki ni bwai aika a reke I aki iangoia bwa te mate e na kamwaita te maku.” E a manga taetae ni burabeti Iotebwa Timiti, “Ko na nora Wales, ao ni kakoroa te mwakuri are ko a tia n anganaki imwain matem.”²

Ana berita te burabeti e koro bukina n te 1845, ngke Dan ao buna, Jane, a weteaki bwa ana karaoa aia mwakuri ni mitinare i Wales. Dan e kamanena ana tarena n taetae man reirei te euangkerio ma nanona ni koaua. E raoiroi ana taetae ni Welsh ao ni Imatang, ao ni kakoauai bwaai ake a koreaki ake e taekin man kakaongora are e a taua nanoia ana taan ongora n taetae inanon aua aika a mwaiti.

N tikuna i Wales, Dan e a tia ni boretiia booki ibukia Aomata Aika Itiaki, anene ao boki n taetae ni Welsh. Iaan ana kairiri Dan Jones, mitinare i Wales a katea 29 mwaanga ao ni bwabetitoia e kaan 1,000 aomata n te ririki n ana moan mwakuri ni mitinare. E a manga weteaki nakon ana kauoua ni mition nako Wales n te 1852, ao irarikin kangaanga ma bwainikirinaki n te Ekaretia, iai te mwaiti ae 2,000 aomata aika a bwabetitoaki inanon aua te ririki.

N okina nako i Utah, Dan e a tia ni kaokia kain Welsh aika mwaiti ake a tia n rairaki nako Utah. Ngke e mate n ana ririki ae 51, e a tia ni buokiia ni uotia aomata ae katautauaki n te mwaiti ae 5,000 nako maeao n te United States.

Bwaai aika a na taraaki

1. Gordon B. Hinckley, “The Thing of Most Worth,” Tambuli, Maati. 1994, 8; Ensign, Tebetembwa. 1993, 7.

2. Iotebwa Timiti, n History of the Church, 6:500.

Man te maing: Korobanna ae tamnein te mitinare ae Dan Jones mai Welsh. Te booti ae buti man te kabuebue, n aron teuana are e kairia Dan Jones, ni uakaan n uarakea te aba ae Nauvoo, Illinois. Dan Jones e buokia taan mwamwananga mai Welsh.