Ni kabuta te Ekaretia
Te Abotoro e Katabua te MTC ae boou n te Philippines
Te Tienta ni Kataneiai ni Mitinare n te Philippines Missionary, are Unimwaane Russell M. Nelson man aia Koroom Abotoro ake Tengaun ma Uoman e katabua ni Meei 20, 2012, are e kona ni kamaekaia 144 mitinare mai Philippines, Cambodia, Hong Kong, Inria, Indonesia, Mongolia, Pakistan, Sri Lanka, Taiwan, ao Thailand. Mitinare aikai a kataneiaki ni bon oin taetaen abaia.
Kateitein te tienta aika uoua aika a boou iai inanona te tabo ni kamataku, te tabo n raitaeka, n nen taian kombiuta, te tabo ni uati, ruu n reirei, ake a kateaki ma taian bwai ni kaotitamnei, taabo ni matu ibukia mitinare, umwanreirei, ao taian aobiti.
Ni karaoan te tataro ni kakabwaian te kateitei ae boou, Unimwaane Nelson e anga ana kakaitau ibukin ana mwakuri ni Kamaiu Iesu Kristo ao mitinare aika a kakaonimaki ao membwa n te Ekaretia n te aonaaba ake a tangiria ao ni beku ibukin te Uea. E bubuti ibukin te kakabwaia nakon te Tautaeka ni Philippines bwa “e na kateimatoa ukin te mataroa ni butimwaai” nakoia ana toro te Uea ao n tataro bwa ana kakabwaiaki te botanaomata ma “te inaomata ao te mwiokoaki bwa ana rikirake n te etieti, n te maiu n rabwata ao n tamnei.”
Manaus Brazil Tembora bon te 138 n tembora te Ekaretia n te Aonaaba ao te Kaonoua I Brazil
Beretitenti Dieter F. Uchtdorf, Kauoman ni Kauntira n te Moan Beretitentii, e katabua te Manaus Brazil Tembora—te138 n tembora n te Ekaretia n te Aonaaba ao te kaonoua I Brazil— n Tuun 10, 2012.
Te onimaki ma te motinnano irouia Aomata aika Itiaki ake a maeka I Brazil, ike e raka iaon teuana te mirion membwa iai, e kona n riki n aron te Amazon River, e taku Beretitenti Uchtdorf—ake a nano man korakora.
Ni kania 20 te ririki, membwa n te Ekaretia mai Manaus, te kawa ae tionako man taian karaanga aika a bubura ao te buakonikai ae kakarau, inanon aia tai ni mwamwananga n taian kaerawaan bwa ana kaea te tembora i São Paulo, Brazil— te15-bongin te mwananga n te nako ao te oki n te booti ao te bwati—ao imwina te tembora I Caracas, Venezuela— ae 8-te bong te mwananga n te bwati.
Unimwaane Claudio R. M. Costa man te Itingaun are e beku bwa te beretitenti n te Brazil Manaus Mition ngke e kaukaki n te 1990.
“Iai au onmaki bwa te Manaus Tembora e na rang n tabetabe, ni katoa te bong, ibukina bwa aomata aikai a tangira te tembora,” e taku Unimwaane Costa. “A reireinia aia ataei bwa ana tangira te tembora. Te tembora e nang kakawaki nakoia.”
Membwa n te Ekaretia I Samoa a kauringa aia ka 50 ni Kauringan aia Inaomata, Te Moan Titeiki
N te Kanimabong, Tuun 1, 2012, iai 350 aomata Aika Itiaki I Samoa ake a bootaki ma I Samoa ni mwaati n tain kauringan te Inaomata rinanon kawan Apia. Nimabwui te ririki n nako, n te 1962, te aba e karekea ana inaomata mairoun New Zealand.
Bootaki nako, reirei, taian aro, ao bootaki nako n te aonaaba a reitaki n te waki nako. Ataein te reirei irouia aomata Aika Itiaki a kamatakuia te bwuina tenga taan mataku n aia mwaati n te baen.
Ma n te wikente ni ikotaki ma te kauring ake a karaoia aomata Aika Itiaki aika i Samoa; bon 50 te ririki n nako naba are te moan titeiki e moan kateaki iai te titeiki n te aba, i Apia.
N te Tabati, Tuun 3, Unimwaane James J. Hamula ao Unimwaane Kevin W. Pearson man te Itingaun, ngaia uoman bon membwa man te Beretitentii n Aono n te Betebeke, a taetae nakoia Aomata Aika Itiaki ao irua n tain te bowi ae onoti are kanakoaki n te kanakobwana nakoia LDS n auti ni bootaki ni kabutai aba nako.
N tarai taai aika ana roko, aomata Aika Itiaki ni Boong Aika Kaitira i Samoa a kantaningaia n reitanako aia beku ao ni kamatoaia aia utu, aia kawa ao abaia, e taku Unimwaane Hamula, are e beku bwa te Beretitenti n te Aono. “Ti rikirake e nang tamaroa bwa te Ekaretia ikai, ao ti rikirake n ara utu ao n oin maiura ngkai ti kakaea ao ni irii reirei ao ana katooto Iesu Kristo,” e kaeka.
N te Tienta ae boou ibukia mitinare I Biribin, e nakon 144 mitinare mai Biribin, Cambodia, Hong Kong, India, Indonesia, Mongolia, Pakistan, Sri Lanka, Taiwan, ao Thailand ake a reiakinaki ni bon oin taetaen abaia.
Rawetamnei iroun Noel Maglaque