Roronrikirake
Te Tataro ao te Rau
N te tairiki teuana I kauntaeka ma tinau ao n namakina te bwai ae aki tamaroa. Ngaia are I a iangoia bwa n N na tataro. E ngae ngke I a bon nano buaka ao n aki tangira te maiu n “tamnei,” I ataia bwa te tataro e na kona ni buokai n namakina te kukurei ao ni kauarerekea te kauntaeka. Imwiin kitanan te ruu iroun tinau, I wakina au tataro. “Tamau are i Karawa, I nakoim n te tairiki aei ibukina …” Tiaki. I kaurea matau ao I aki booti baiu; e aki tangiraoi anne. I kataia riki. “Tamau are i Karawa, I kainnanoa …” Anne naba kanga e tangi buaka. I namakina Tatan bwa e kaumakai bwa e na bwara nanou n au tataro ni bubutia Tamau are i Karawa n ana ibuobuoki.
N te tai ae waetata I kairaki bwa n na taekina ko rabwa! Ao I karaoia, ao iango a waki n otinako man au iango bwaai aika a mwaiti ake I kona ni karabwa Tamau are I Karawa ibukina. Ngke e bane au karabwarabwa Nakoina, I maroroakina te kanganga are irou.
Imwiin anne I namakina te rau ae tamaroa irou, ana namakin te tamnei ae raoiroi are I ataia bwa Tamara are I Karawa ao au karo a tangirai ao ngai natin te Atua. I kona ni kabwara au bure nakon tinau ao ni butimaea ana kabwara bure