ʻOku ʻOmi ʻa e Fiefiá ʻe he Fakamolemolé

ʻOku akoʻi ʻe Palesiteni ʻUkitofa ʻoku totonu ke tau fakamolemoleʻi e kau mēmipa hotau fāmilí. Vakai ki he founga ne hanga ai ʻe he ngaahi fili ʻa Siosefa mo ʻAná ʻo uesia hona fāmilí.

ʻOku vaʻinga fakataha ʻa Siosefa mo hono kiʻi tuofefine ko ʻAná. ʻOku faʻao ʻe ʻAna ʻa e meʻavaʻinga ʻa Siosefá mei ai. Ko e hā e meʻa ʻoku totonu ke fai ʻe Siosefá?

ʻOku ʻita ʻa Siosefa kia ʻAna. ʻOku tangi ʻa ʻAna. ʻOku tauteaʻi ʻa Siosefa ʻe heʻene faʻeé heʻene kē mo hono tuofefiné. ʻOku loto mamahi ʻa Siosefa ʻi heʻene fai ʻa e fili koví.

ʻOku fakamolemoleʻi ʻe Siosefa ʻa ʻAna peá ne kumi ha meʻavaʻinga ʻe taha ke ne vaʻinga ʻaki. ʻOkú na vaʻinga fiefia fakataha. ʻOku fiefia ʻena faʻeé he angaʻofa ʻa Siosefa ki hono tuofefiné mo tauhi e melinó ʻi he fāmilí. ʻOku ongoʻi fiefia ʻa Siosefa ʻi heʻene fili ke fakamolemolé.

Kimui ange aí, ʻoku fie maʻu ke tokoni ʻa Siosefa mo ʻAna ki heʻena faʻeé hono teuteu e kai efiafí. ʻOku ʻikai tokoni ʻa Siosefa. Ko e hā ʻoku totonu ke fai ʻe ʻAná?

ʻOku lāunga ʻa ʻAna ki heʻene faʻeé. ʻOku lāunga ʻa ʻAna ʻi heʻene ngāue toko tahá. ʻI he taimi kai efiafí ʻoku loto mamahi e taha kotoa koeʻuhí ko e fakakikihí.

ʻOku fakamolemoleʻi ʻe ʻAna ʻa Siosefa peá ne tokoni ki he teuteu e kai efiafí. ʻOku hounga ki heʻena faʻeé ʻa e tokoni ʻa ʻAná. ʻOku fiefia e fāmilí heʻenau fakataha ʻi he kai efiafí. ʻOku ongoʻi fiefia ʻa ʻAna heʻene fai ʻa e fili ke fakamolemolé.

ʻOku kaunga fēfē hoʻo fili ke fakamolemolé ki he fiefia ho fāmilí?

Ngaahi tā fakatātā ʻa Casey Nelson